Sallústíus

Gaius Sallustius Crispus, þekktur sem Sallústíus, (86-34 f.Kr.) var rómverskur sagnaritari. Hann var úr vel kunnri ætt alþýðufólks (plebeia). Sallústíus fæddist í Amiternum í landi Sabína.

Sallústíus er einkum þekktur fyrir tvö rit, Um stríðið gegn Júgúrthu konungi og Um samsæri Catilínu. Helsta fyrirmynd hans sem sagnfræðings var gríski sagnaritarinn Þúkýdídes. Hann hafði allmikil áhrif á rómverska sagnaritun, meðal annars á Tacitus sem mat hann mikils. Quintilianus mat Sallústíus einnig mikils, taldi hann betri höfund en Lívíus og taldi hann standast samanburð við Þúkýdídes.

Ofangreind tvö rit, Um stríðið gegn Júgúrthu konungi og Um samsæri Catilínu, eru til í íslenskri þýðingu eða endursögn frá 12. öld eða stuttu síðar, undir nafninu Rómverja saga.

• Fyrirmynd greinarinnar var „Sallust“ á ensku útgáfu Wikipedia. Sótt 9. ágúst 2006.
• Rómverja saga – fréttatilkynning um útgáfu 2010 — Af vefsíðu Árnastofnunar.

  Þessi fornfræðigrein sem tengist sögu er stubbur. Þú getur hjálpað til með því að bæta við greinina.