Kantabria

L'unesma habitanti di Kantabria esis grupi di Homo erectus qui habitis la regiono cirkume 200 mil yari ante nun, dum Paleolitiko. Le Homo erectus esis mi-nomada e praktikis chaso e kolekto. Dum la lasta glacial epoko, Homo neanderthalensis okupis la kaverni de la regiono, sequita dal Homo sapiens dum la nomizita "supra paleolitiko". L'unesma skribita menciono pri la habitanti di la regiono datizas de 195 aK. Kantabri employesis kom mercenarii dum konflikti en la peninsulo. Posible li partoprenis en la duesma Punika milito, segun skribis la poeto Silius Italicus.

Romani okupis Kantabria en 29 aK. Li fondis urbi, exemple Iuliobriga e Flaviobriga, explotacis minerali (salo, fero, zinko, plombo) ed edukis bestii, e konstruktis chosei por transportar ca produkturi til Roma. Dum la 3ma e 4ma yarcenti komencis krizo en la regiono, e lua urbi komencis dekadar.