Ötzi

Ötzi, la glacio-homo esas mumio di homo qua vivis ye cirkume 3300 aK.

Ye 19 di septembro 1991, en la Ötztal Alpi ye la frontiero di Austria ed Italia, ye alteso 3200m, du Germana turisti trovis frostigita kadavro di homo qua (quale esis plu tarde konstatata) vivis ye cirkume 3300 aK. On deskovris, apud la korpo, diversa altra kozi exemple ligna hakilo kun kupra lamo, kolo-pendanti (amuleto) e dorsosako. Il esis nomizata Ötzi. Il, ed ilua vesti, shui e posedaji, esis multe examenata; ilua DNA esis analizata. La kauzo di ilua morto esas ne-klara; probable il mortis pro frapo ye la kapo.

Il nun restas en muzeo en Bolzano, Suda Tirol. Por bone konservar la kadavro, li konstruktigis vitra kontentilo, en qua la temperaturo konstante restas che 6 minus gradi, simile kam en glaciero. Alarmilo quik atencigas pri ne-regulozaji.