Етт
Етт (эрс: Коро́ва) — коа тӀарча бугӀий дехка дола се хьайба[1].
Етт курша доккхийча хьайбаех лоархӀаш ба. Дулхи, шуреи, цӀокеи даккхара духьа лелабу из[2]. Етт яха дош цхьоален таьрахье легадеш хилча цун овла «Ӏатт» яхача овлах дӀахувцалу: Ӏатта, Ӏатто, Ӏаттаца, Ӏаттах, иштта дӀ., хӀаьта дукхален таьрахье — доахан да.
БугӀий се хьайбах «етт» алалехь шинар оал (духхьашха пхаьрделлца), пхаьрдаьчул тӀехьагӀа эггара хьалха дахкаллца духьарг оал[3]. Шера да́къа чакхдаьлча пхаьра ца хиннача шинарах а, иштта, кхоъ е дукхагӀа бутт баьлча пхаьра ца хиннача Ӏаттах а (йисте бугӀа йоллашше) Ӏаьхара етт оал. Пхоарал 9 бетта хул.
Ӏилмангахьа «етт» аьнна оал цхьадолча барг-шолха долча се дийнатех а, масала, се булах[4][1].
Белгалдаккхар
[тоаде | тоаде чура]- ↑ 1,0 1,1 Корова // Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—.
- ↑ Корова // Доккха советий энциклопеди : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.[1]
- ↑ Крупный рогатый скот // Энциклопеди «Кругосвет».
- ↑ Зубр // Брокгаузеи Ефронеи энциклопеден дошлорг : 86 томах латт (82 томи 4 тӀатохари). — СПб., 1890—1907.