Julián Felipe

Julián Felipe
Julián Felipe, Kompositor ti Nailain a Kanta ti Filipinas
Nayanak	Enero 28, 1861 Cavite, Cavite
Natay	Oktubre 2, 1944 (edad 83) Manila, Filipinas
Trabaho	Kompositor
Nakaam-ammuan	Kompositor ti Nailian a Kanta ti Filipinas
[urnosen iti Wikidata]

Ni Julián Reyes Felipe (Enero 28, 1861 – Oktubre 2, 1944), ket isu idi ti kompositor ti musika ti Nailian a Kanta ti Filipinas, ti dati a naam-ammuan iti "Marcha Nacional Magdalo", ken ammo itan a kas ti Lupang Hinirang.^[1]

Ni Julián Felipe ket naipasngay idiay Siudad ti Cavite, Cavite. Ti naruknoy a manursuro ti musika ken kompositor, isu ket indutok babaen ti presidente idi a ni Emilio Aguinaldo a kas Direktor ti Nailian a Banda ti Umuna a Republika ti Filipinas. Isu ket pimmusay idiay Manila idi Oktubre 2, 1944.

Isu ket nagadal idiay publiko nga eskuela ti Cavite ken Binondo, Manila para kadagiti primario nga edukasionna. Idi ubing pay, isu ket nangipakpakita ti kalaingna iti musika. Isu ket nakaadal pay nga agtokar iti piano ken organo. Kalpasanna, isu ket nagbalin nga organista Parokia a Simbaan ti San Pedro. Kas maysa nga organista, ni Felipe ket naikkan ti gundaway nga agpalaing ti rangkapna. Kalpasanna isun ket nangsursuraten kadagiti kanta.

Dagiti nasapa nga insursurat ket mairaman ti Moteti el Santesisimo, Sintos y Floras Rogodones, Amorita Danza, ken Reina de Cavite (Pammadayaw para kenni Nuestra Señora de la Soledad de Porta Vaga). Isu ket nakaipasnek met kadagiti managayat ti musika kadagiti naibagbaga a kanta. Urayno isu ket ubing pay laeng, dagiti obrana ket naipadpadan kadagiti nataenganenn a musikero.

Iti pammadayaw kadagiti naisangayan a kontribusionna iti lugar ti musika, isu ket naikkan met kadagiti adu a gunguna ken pammadayaw.

Idi nangrugi ti rebolusion, ni Felipe ket kimmuyog met kadagiti padana a taga-Kabite a nakilablaban kadagiti Kastila. Isuket natiliw ket naibalud idiay Kota San Felipe ti Cavite.

Idi naparuar, isu ket timmipon manen kadagiti tropa ni Emilio Aguinaldo. Isu ket nagsurat kadagiti nasionalistiko a kanta a nangiregget kadagiti kaduana nga agtuloy a makilaban kadagiti Kastila. Adda met monumento ni Felipe a mabirukan idiay Siudad ti Cavite, iiay asideg ti Kolehio San Sebastian – Recoletos de Cavite.

Dinamag ni Aguinaldo kaniana a mangited ti komposision a matokar iti naipakasaritaan a panangirangarang ti wayawaya ti Filipinas. Ti komposisionna iti 'Marcha Nacional Filipina', ket natokar idi Hunio 12, 1898 idiay ili ni Aguinaldo ti Kawit, ken naampon daytoy a kas ti nailian a kanta ti Filipinas idi Septiembre 5, 1938.

Ni Julián Felipe ken ni asawana a ni Irene Tapia ket adda met uppat nga annakda a babbai ken maysa nga anak a lalaki. Ni Julián Felipe ket pimmusay idi Oktubre 2, 1944, iti edad nga 83.

Dagiti midia a mainaig ken ni Julián Felipe iti Wikimedia Commons

• Historia de la Marcha Nacional Filipino^{[permanente a natay a silpo]} Napno a teksto ti dokumento nga insurat babaen ni Julián Felipe iti Pakasaritaan ti Nailian a Kanta ti Filipinas.