Սենտիմո

Իսպաներեն «սենտիմո» բառը, ճիշտ ինչպես նույնարմատ այլ դրամանիշների անունները (օրինակ՝ ֆրանսիական centime-ը կամ ամերիկյան cent-ը), լատիներեն centum (ցենտում - «հարյուր») բառի հոլովում է, և այստեղից էլ՝ այդ դրամական միավորների իմաստը՝ մեկ հարյուրերորդ։

1848 թվականին Իսպանիան հետևեց եվրոպական այլ երկրների օրինակին և ընդունեց դրամանիշների տասնորդական սիստեմ։ Այդ թվականին Սեգովիայի դրամահատարանում արտադրվեց բարեփոխված դրամական համակարգի առաջին մետաղադրամը՝ կես ռեալը, որի մեկ հարյուրերորդն էր սենտիմոն։ «Սենտիմո» անվամբ առաջին մետաղադրամը հատվել է նույնպես Սեգովիայի փողերանոցում, 5 սենտիմո պղնձե դրամի տեսքով (1854)։

Այդուհետև այս դրամական միավորը տարածվեց ամբողջ իսպանալեզու աշխարհում, երբեմն՝ «սենտեսիմո» և «սենտավո» անուններով։ Այս վերջին երկու դրամանիշները նույն «սենտիմոն» են, պարզապես աշխարհագրական և բարբառային գործոնների ազդեցությամբ ստացել են յուրովի անվանումներ։ Որպես հետևանք, «սենտավո» ձևը դարձավ ամենատարածված անվանումը, հատկապես՝ Լատինական Ամերիկայում։

1854 թ. սկսած սենտիմոն թողարկվել է Իսպանիայում, ապա՝ տարածվել իսպանական գաղութներ։ Ստորև նշված երկրների շարքից սենտիմոն այլևս չի օգտագործվում միայն Իսպանիայում և Պուերտո Ռիկոյում. Իսպանիայում 2002 թ. պեսետային փոխարինեց եվրոն, իսկ Պուերտո Ռիկոյի պաշտոնական դրամական միավորը ԱՄՆ դոլարն է։ Ստորև՝ սենտիմոյի տեսակները՝ ըստ պետությունների ժամանակակից սահմանների.

• Անգոլական կվանզայի 1/100

 

• Աստուրիա և Լեոնի պեսետայի 1/100
• Արաալի պեսետայի 1/100
• Արենս դե Մարի պեսետայի 1/100
• Իբիի պեսետայի 1/100
• Իսպանական պեսետայի 1/100
• Լ'Ամելիա դե Վալիեսի պեսետայի 1/100
• Կասալիա դե լա Սիեռայի սենտիմո
• Լորա դել Ռիոյի սենտիմո
• Կարլոս VII պեսետայի 1/100
• Մարչենայի սենտիմո
• Մենորկայի պեսետայի 1/100
• Նուլիեսի պեսետայի 1/100
• Պուեբլա դե Կասալիայի սենտիմո
• Սանտանդերի, Պալենսիայի և Բուրգոսի պեսետայի 1/100
• Օլոտի սենտիմո

• Կոստա Ռիկայի կոլոնի 1/100 (նաև՝ սենտավո)

• Պարագվայական գուարանիի 1/100

• Պերուական սոլի 1/100 (նաև՝ սենտավո)

• Պուերտո Ռիկոյի դոլարի 1/100

• Սան-Թոմե և Պրինսիպիի դոբրայի 1/100

• Վենեսուելական բոլիվարի 1/100 (նաև՝ սենտավո)

• Ֆիլիպինյան պեսոյի 1/100 (նաև՝ սենտավո)

• Սենտավո
• Սենտեսիմո
• Ցենտ

• Chester L. Krause and Clifford Mishler. Standard Catalog of World Coins. Iola, WI. (19th Century), 2nd Edition
• Chester L. Krause and Clifford Mishler. Standard Catalog of World Coins. Iola, WI. 2002 Edition (20th Century)