Օզդ (հունգ.՝ oːzd) քաղաք Բորսոդ Աբուաի Զեմփլեն մարզում, Հյուսիսային Հունգարիայում։ Միշկոլց քաղաքից հեռավորությունը 40 կմ է։ Օզդը մարզի մեծությամբ երկրորդ քաղաքն է։
Այս տարածքը բնակեցված է եղել հնագույն ժամանակներից։ Օզդ գյուղն առաջին անգամ հիշատակվում է 1272 թվականին։
Ժամանակակից քաղաքը ձևավորվել է Հունգարիայի սոցիալիստական դարաշրջանում` Օզդ Բոյլոկ և Սայուվարկոնի քաղաքների միավորումից, երբ երկրի հյուսիսային մասը դարձել է ծանր արդյունաբերության կենտրոն։ Օզդում կան մեծ թվով գնչուներ, 1,025 մարդ։ Օզդը Հունգարիայի ամենաաղքատ քաղաքներից մեկն է։
Օզդում ամենահայտնի սպորտաձևը ֆուտբոլն է։ Օզդի ամենահաջողակ ֆուտբոլային թիմը «Ózdi Kohász SE»-ն է, որը խաղացել է Հունգարիայի ֆուտբոլի առաջնությունում` Հունգարիայի ֆուտբոլի բարձրագույն լիգայում[1]։ Այնուամենայնիվ ակումբը լուծարվել է 2003 թվականին։
Հունգարիա
