Mikulášovice

Mikulášovice

DEC
Wopon
Zakładne daty
stat	Čěska
kraj	Wusće
wysokosć	414 metrow n.m.hł.
přestrjeń	25,84 km²
wobydlerstwo	2.179 (1. jan 2018)[1]
hustosć zasydlenja	84 wob. na km²
póstowe čisło	407 79
adresa	Mikulášovice 1007 407 79 Mikulášovice
webstrona	mikulasovice.cz
Cyrkej swj. Mikławša w Mikulášovicach
p • d • w

Mikulášovice (němsce Nixdorf, hornjoserbsce Mikławšowicy^[2]) su městačko w Šluknovskim wuběžku na samym sewjeru Čěskeje. Nadeńdu so při sakskej hranicy we wuchodnym dźělu Połobskich pěskowčin blisko Zebnicy pod horu Tanečnice (Tanzplan). Słuša k Děčínskemu wokrjesej Wusčanskeho kraja (Ústecký kraj).

Gmejna wobsteji z wjesnych dźělow Mikulášovice, Mikulášovičky (Kleinnixdorf), Salmov (Salmdorf) a Tomášov (Thomasdorf).

Přez Mikulášovice wjedźetej železniskej čarje Rumburk–Dolní Poustevna a Rumburk–Mikulášovice.

Wokolina bu w 10. a 11. lětstotku wobsydlena a wjes sama prěni raz w lěće 1346 naspomnjena, hdyž měješe hižo cyrkwju. Typiski lěsny łanowc bu wot Frankow a Durinčanow w běhu němskeje kolonizacije załoženy. Spočatk 19. lětstotka sta so wjeska z industrijnym srjedźišćom, wosebje dla kowarstwa a tule produkowanych nožow. W lěće 1910 bě ze 7.000 wobydlerjemi oficielnje najwjetša wjes w cyłej Rakusko-Wuherskej a dósta w lěće 1916 wot kejžora Franca Józefa I. měšćanske prawa.

W lěće 2011 je so w Mikulášovicach tradicija Jutrowneho jěchanja wobnowiła.

1. ↑ Český statistický úřad – Ličny wobydlerstwa čěskich gmejnow dnja 1. januara 2018 (PDF; 421 KiB)
2. ↑ Osterlieder für Osterreiten in Nixdorf II / Velikonoční písně pro velikonoční jízdu v Mikulášovicích II / Jutrowne kěrluše za křižerjo w Mikławšowicach II. Towarstwo Nixdorf, Mikulášovice 2024. 

 Commons: Mikulášovice – Zběrka wobrazow, widejow a awdiodatajow