Ishaya Shekari

Ishaya Shekari
gwamnan jihar Kano 1 Satumba 1978 - Oktoba 1979 ← Sani Bello - Abubakar Rimi →
Rayuwa
Haihuwa	Zangon Kataf, 3 ga Augusta, 1940 (84 shekaru)
ƙasa	Najeriya
Harshen uwa	Yaren Tyap
Karatu
Harsuna	Turanci Hausa Pidgin na Najeriya Yaren Tyap
Sana'a
Sana'a	ɗan siyasa

Ishaya Shekari. Soja, mai mukamin 'Air Vice Marshal', ya zama gwamnan Jihar Kano na uku a cikin shekarar dubu daya da dari Tara da Saba,in da takwas miladiyya 1978.

An haife shi a ranar 3 ga watan Agusta na shekarar alif dabu daya da dari Tara da arba,in miladiyya 1940 (3 August, 1940) a garin Zangon-Kataf da ke cikin karamar hukumar Kaciya ta Jahar Kaduna . Wanda yanzu ta zama karamar hukumar Zangon-Kataf ta jahar Kaduna. ^[1]

Ya fara karatu a karamar fimare da ke Zango-Kataf a shekara ta alif dabu daya da dari Tara da hansin miladiyya 1950 zuwa dubu daya da dari Tara da hansin da uku miladiyya 1953. Daga nan kuma ya shige makarantar tsakiya (Middle School) da ke Zariya,a shekarar 1954, inda daga baya ya samu wucewa babbar firamare da ke Soba (Senior Primary School Soba) da ke Zariya, a shekara ta alif dabu daya da dari Tara da hansin da shida miladiyya 1956. Ya shiga secondary (Provincial Secondary School) da ke Zariya, daga 1957 zuwa 1962. Sannan kuma ya samu zuwa Birtaniya a cikin shekarar 1969, inda ya halarci wani horo na musamman na tsawon watanni uku a makarantar ‘Royal Air Force Junior Command and Staff School Term Hill'.

Haka nan a cikin shekarar alif dabu daya da Saba,in 1970, ya sake komawa Birtaniya inda ya samo horo a kan ‘Combatant Air Force Officer’. Wannan horo ya ɗauke shi har tsawon shekara guda wanda ya yi shi a makarantar ‘Royal Air Force College’ da ke Bracknell ta ƙasar Birtaniya'.

Bayan kammala karatunsa na sikandire, ya samu nasarar shiga makarantar soja mai suna ( Nigerian Military Training College) a watan Nuwamba na shekarar 1962. A shekarar 1963, ya tafi zuwa kasar Kanada dan halartar horon turin jirgin sama a makarantar ‘Royal Canadian Air Force’ daga watan Yuli na shekarar 1964 (June 1964) zuwa watan Juli na shekarar 1966 (June 1966). ^[2]

Air Vice Marshal' Ishaya Aboi Shekari, ya bayar da gagarumar gudunmawa a wannan fanni nasa na sojan sama kafin ya zama gwamnan Kano. da farkon farawa ya fara da zama ofisa tare da rundunar sojojin saman Nijeriya inda ya yi aiki a Reshen Horas da Sojojin Saman Nijeriya (Nigerian Air Force Training Wing) na tsawon watanni tara kafin a tura shi zuwa helikwatar sojojin saman Nijeriya (Nigerian Air Force Headquarters) da ke Legas a matsayin jami’i (Operations Officer). Ya rike wannan muƙami tun daga 1967 har zuwa 1968. An sake tura shi Kaduna a matsayin jami’i mai bada horo a kan jan akalar jirgi (Instructor on Navigation).

A cikin shekarar alif dabu daya da dari Tara da sittin da Tara miladiyya 1969, an daukaka mukaminsa zuwa jami’i ma bada umarni a sashen sojojin sama na makarantar tsaron Nijeria (Officer Commanding Air Force Wing of Nigerian Defence Academy). Ya rike mukamin babban jami’in sojan sama na helikwatar rudunar sojojin saman Nijeria (Senior Air Force Officer Logistics), daga 1971 zuwa 1974, kafin a canja shi zuwa babban jami’in sojan sama mai kula da harkokin mulki (Senior Staff Officer with Administratiɓe Branch of Nigerian Air Force). Sannan kuma dai aka sake dauke shi daga wannan sashe na mulki zuwa sashen aiwatarwa nan ma a matsayin babban jami’i (Senior Staff Officer with Operations Branch). Duka wannan a babbar helikwatar sojan saman Nijeriya ne da ke Legas.

A shekarar 1975, aka yi masa mukamin kwamanda a rundunar sojan saman Nijeriya bangaren Lojistik (Commander Nigerian Air Force Logistics Group, Ikeja). Sannan kuma aka sake mayar da shi helikwata a matsayin jami’i ma kula da lojistiks na rundunar sojan saman Nijeriya (Air Force Officer in-Charge of Logistics). ^[3]

A shekarar 1978 aka yi masa tagwan mukamai a Kano. A lokacin da yake rike da ragamar shugabancin Kano (gwamna), sannan kuma yake rike da kujerar kwamanda 303 F.T.C ta Kano. Ya rike wadannan mukamai guda biyu tun daga 1978 zuwa 1979 inda aka yi zaɓen jamhuriya ta biyu sannan ya mika mulki a hannun gwamnan farar hula Marigayi Alhaji Muhammad Abubakar Rimi . Barinsa Aikin Soja Mukaminsa na karshe shi ne zamowarsa ministan ayyuka na musamman a gwamnatin Janar Ibrahim Badamasi Babangida , wanda daga nan ya bar aiki.