Aberdyfi
| Aberdyfi Baarle: Aberdovey |
|
|---|---|
| — Balley — | |
 |
|
  Aberdyfi |
|
 Aberdyfi |
|
| Co-ordnaidyn: 52°32′40″N 04°02′40″W / 52.54444°N 4.04444°W | |
| Çheer |  Reeriaght Unnaneysit |
| Çheer cho-ayrnagh |  Bretyn |
| Coontae freilt | Gwynedd |
| Ard-ard | Gwynedd |
| Yrjid | 65 m (213 tr) |
| Earroo yn phobble (2001[1]) | |
| - Yn clane | 1,140 |
| Cryss hraa | GMT (UTC+0) |
| - Sourey (TTSL) | BST (UTC+1) |
| Coad postagh | LL35 |
| Coad(yn) çhellvane | 01654 |
| Ynnyd-eggey | www.aberdyfi.org |
Aberdyfi, ny Aberdovey (ta’n lettraghey Baarlit ry-akin foast), she balley beg eh er inver y Dyfi ayns Gwynedd, er slyst sheear Vretin. Va bun bunneydagh y valley troggal lhongyn, agh she ynnyd seyrey ny marrey t’ayn nish son y chooid smoo, as traie quallid echey. Ta club-birling breeoil ‘sy valley.
Ga dy vel mean y valley er y varrey, marish y traie as keiy, ta’n balley hene roie erash veih’n slyst as heose ny cruink. Ta reayrtys sampleyragh slyst Bretnagh ec y valley: cruink glassey as gowaltyssyn kirree. Ta Tywyn kiare meeilyn my hwoaie as Machynlleth 11 meeilyn my heear.
She tayrnys turrysee foast ta Aberdyfi, as sleih cur shilley er veih buill voirvaljagh Sostyn, myr sampleyr, Mean Sostyn Heear. Ta rheynn mooar dy liooar jeh ny thieyn nyn thieyn-turrysagh. Er y fa shen, ta costys thieyn ard ‘sy valley.
Va’n balley bun yn arrane çheerey Clychau Aberdyfi (Cluig Aberdyfi). Ta’n arrane çheet er sheen-skeeal mychione reeriaght dy row, as ta fo ny marrey ayns Bae Ceredigion nish, y Cantre’r Gwaelod. T’ad gra dy nod oo clashtyn ny cluig clingaghey fo yn ushtey foast. Cha nel fys ayn er enney y chummeyder, agh screeu John Ceiriog Hughes ny focklyn ayns y 19oo eash. Va’n shenn-skeeal shoh bun noaskeeal Victorianagh enmyssit The Misfortunes of Elphin (1829), liorish Thomas Love Peacock. Ta kuse jeh’n lioar Silver on the Tree, lioar s’jerree y straih The Dark Is Rising liorish Susan Cooper, soit ayns Aberdyfi, as ta paart mooar ec y reeriaght baiht.
Ren ad fosley y chied laaragh Outward Bound ayns Aberdyfi ayns 1941. [2]
Ymmyrkey ny theay
[reagh | edit source]Ta stashoon traenagh Aberdovey er y Cambrian Line fo stiurey Trenau Arriva Cymru. Ta Arriva stiurey ny barrooseyn chammah.
Sleih baghee as enney mie oc
[reagh | edit source]- John T. Houghton, co-chummeyer y Intergovernmental Panel on Climate Change.[3]
- Va fer kiaullee as ellyneyr Stan Hugill cummal ayns Aberdyfi, as gobbraghey ‘sy laaragh Outward Bound eddyr 1950 as 1975.[4]
- James Atkin, Baron Atkin, leighder as briw
Jeeagh er chammah
[reagh | edit source]Enmyssyn
[reagh | edit source]- ↑ Hutchinson Encyclopedia ec https://web.archive.org/web/20061024221112/http://encyclopedia.farlex.com/Aberdovey. Feddynit 2008-10-09
- ↑ Outward Bound International (2004). Birth of Outward Bound. Feddynit Mee ny Nollick 9, 2007.
- ↑ John T. Houghton
- ↑ "Stan Hugill". Er ny hashtey veih yn lhieggan bunneydagh er 2008-10-14. Feddynit magh er 2008-10-07.