Robert B. Laughlin

Robert B. Laughlin
	;
Nome orixinal	(en) Robert Betts Laughlin
Biografía
Nacemento	1 de novembro de 1950 (74 anos); Visalia, Estados Unidos de América
Educación	Instituto de Tecnoloxía de Massachusetts - física (–1979); Universidade de California, Berkeley - matemáticas (–1972); Redwood High School (en)
Director de tese	John Joannopoulos (pt)
Actividade
Campo de traballo	Física
Lugar de traballo	Stanford
Ocupación	físico, escritor de non ficción, profesor universitario, académico
Empregador	Universidade Stanford ; Laboratório Nacional de Lawrence Livermore (pt) ; Bell Labs
Membro de	Academia Naciona de Ciencias dos Estados Unidos ; Asociación Americana para o Avance das Ciencias ; Academia das Artes e das Ciencias dos Estados Unidos ; Sociedade Estadounidense de Física
Obra
	Obras destacables Effet Hall quantique ;
Doutorando	Deborah Berebichez (pt)
Premios
	(1998) Medalla Benjamin Franklin; (1998) Premio Nobel de Física; (1986) Prêmio Oliver E. Buckley de Matéria Condensada (pt) ; (1984) Prêmio Ernest Orlando Lawrence (pt) ; Membro da Sociedade Estadounidense de Física; Onsager Medal (en) ;
Descrito pola fonte	Obálky knih,
Sitio web	profiles.stanford.edu…

Robert Betts Laughlin, nado o 1 de novembro de 1950, é un físico teórico estadounidense quen, canda Horst L. Störmer e Daniel C. Tsui, obtivo en 1998 o Premio Nobel de Física pola súa explicación do efecto Hall cuántico.

Traxectoria

Laughlin naceu en Visalia, California. Obtivo o seu B.A. en física na UC Berkeley en 1972, e o seu PhD en física en 1979 no Instituto de Tecnoloxía de Massachusetts, Cambridge, Massachusetts, EUA. Foi profesor de física da Universidade Stanford de 1989 a 2004. Agora é presidente de KAIST en Daejeon, Corea do Sur.

A mensaxe central do seu libro A Different Universe (Un universo diferente) é que a verdadeira fronteira da ciencia está, non no pequeno, senón no complexo. Cando se agregan moitos átomos para formar un sólido ou un tecido biolóxico, xorden novos principios organizativos que non poden derivarse rigorosamente a partir de leis microscópicas e que carecen de significado en sistemas de poucas partículas.

Laughlin insiste en que a investigación deses conceptos emerxentes que operan na organización complexa da materia é tan “fundamental” como a investigación sobre as forzas elementais. Se se atende á ciencia no seu conxunto, a idea de emerxencia, segundo a cal o todo é algo máis que as súas partes, é moito máis relevante que a de redución, pois case toda actividade científica, incluída a física, e toda a tecnoloxía, ocúpase de nocións emerxentes. Estas van desde a temperatura dun líquido até a resistencia dun edificio pasando pola morfoloxía dunha flor. No “universo diferente” que propón Laughlin, a ciencia reconcíliase co sentido común porque toda percepción da realidade baséase en conceptos e leis emerxentes.

Obras

Laughlin, Robert B. (2005). Basic Books, ed. A Different Universe: Reinventing Physics from the Bottom Down. ISBN 978-0-465-03828-2. (Trad. esp.: Un universo diferente. La reinvención de la física en la Edad de la Emergencia, Bos Aires/Madrid, Katz editores, 2007, ISBN 978-84-935432-9-7).
Laughlin, Robert B. (2008). Basic Books, ed. The Crime of Reason: And the Closing of the Scientific Mind. ISBN 978-0465005079. (Trad. esp.: Crímenes de la razón. El fin de la mentalidad científica, Bos Aires/Madrid, Katz editores, 2010, ISBN 978-84-96859-68-5).
(Trad. esp.: Mente y materia. ¿Qué es la vida? Sobre la vigencia de Erwin Schrödinger (con Michael R. Hendrickson; Robert Pogue Harrison e Hans Ulrich Gumbrecht), Bos Aires/Madrid, Katz editores, 2010, ISBN 978-84-92946-12-9.)