Estatua de Teucro
Teucro é unha estatua creada polo escultor Cándido Pazos, situada en Pontevedra.[1] Atópase na praza de San Xosé sobre o reloxo do edificio central da antiga Caixa de Aforros Provincial de Pontevedra e foi inaugurada o 15 de xullo de 2006.
| Estatua de Teucro | |
|---|---|
 A escultura na praza de San Xosé | |
| Presentación | |
| Localización | Pontevedra |
| Dirección | Praza de San Xosé |
| Estrutura | Bronce |
| Estilo | Escultura conmemorativa |
| Tipo | Estatua |
| Construción | |
| Data da construción | 2006 |
| Remate | 15 de xullo de 2006 |
| Dimensións | |
| Altura | 6 m |
| Equipo | |
| Escultor | Cándido Pazos |
Mitoloxía
editarTeucro é o mítico fundador da cidade de Pontevedra. A lenda conta que o mítico arqueiro Teucro, fillo do rei Telamón (rei de Salamina), seguiu a unha serea, Leucoiña, no seu exilio ata a ría de Pontevedra e logo fundou a cidade.
Antes da fundación da cidade, Teucro, xunto co seu irmán Áiax e o seu primo Aquiles, fora á guerra de Troia. Pero cando esta longa guerra terminou e volveron ao seu país, os heroes non foron ben recibidos, nin sequera polas súas propias familias. Teucro, rexeitado polo seu pai, foi en busca dunha nova patria en Occidente e chegou a Iberia, percorreu a costa de Hispania, cruzou o estreito de Xibraltar e fundou unha colonia grega chamada Hellenes, que se convertería en Pontevedra.[2]
Descrición
editarA escultura é de bronce e ten 6 metros de altura.[3]
Pesa 2 toneladas e está ancorada mediante un espigo de aceiro ao pequeno pavillón do reloxo na parte superior do edificio da Caixa de Aforros de Pontevedra. A escultura dá unha sensación de lixeireza que suxire que está a flotar no aire no baleiro.[4]
Teucro é representado como un atleta novo espido cun arco modernista e a expresión de chegar ao seu destino.
Teucro na cidade
editarEn 1843, a cidade puxo o nome de Teucro á praza máis antiga do centro histórico, que antes se chamaba Praza da Vila ou Praza do Pan.[5]
Na fachada da Casa Consistorial de Pontevedra (1880) hai unha inscrición sobre a fundación da cidade polo arqueiro grego Teucro.
Na Basílica de Santa María a Maior hai unha estatua de Teucro portando o báculo no alto do contraforte dereito da súa fachada principal.[6] En 1956, engadiuse unha estatua de granito de Teucro rompendo as fauces do león de Nemea cunha cruz detrás no arco da fonte que pecha o atrio da Igrexa da Virxe Peregrina.
Galería
editar-
Estatua de Teucro
-
Inscrición na fachada da casa consistorial
-
Inscrición na fachada da casa consistorial (continuación)
-
Praza de Teucro
-
Estatua de Teucro na praza da igrexa da Virxe Peregrina
-
Notas
editar- ↑ "Teucro leva a Cándido Pazos á elite escultórica". Galicia Hoxe. 30 de xullo de 2006. Arquivado dende o orixinal o 24 de setembro de 2015. Consultado o 28 de outubro de 2022.
- ↑ "Teucro, el héroe griego que fundó Pontevedra". Pontevedra Viva (en castelán). 26 de xuño de 2020.
- ↑ "Teucro ya pisa el reloj". La Voz de Galicia (en castelán). 18 de xullo de 2006.
- ↑ "El santiagués Cándido Pazos entra en la élite artística con sus últimas obras". El Correo Gallego (en castelán). 29 de xullo de 2006.
- ↑ "Un país mágico. Pontevedra". TVE (en castelán). 26 de xaneiro de 2022.
- ↑ Durán Villa 2000, p. 76
Véxase tamén
editar| Wikimedia Commons ten máis contidos multimedia na categoría: Estatua de Teucro |
Bibliografía
editar- Aganzo, Carlos (2010). Pontevedra. Ciudades con encanto (en castelán). Madrid: El País-Aguilar. p. 100-101;118-119. ISBN 978-8403509344.
- Durán Villa, Francisco (2000). Provincia de Pontevedra (en castelán). Madrid: Mediterráneo. ISBN 8471563371.
- González y Zúniga, Claudio (1846). Historia de Pontevedra, o sea de la antigua Helenes fundada por Teucro (en castelán). Pontevedra: Establecimiento Tipográfico de la Viuda Pintos.