Alfabeto tibetano
O alfabeto tibetano é un alfasilabario empregado para escribir as linguas tibéticas como a lingua tibetana, así como o dzongkha, o sikkimese, o ladakhi, e ás veces, o balti. A forma impresa do alfabeto é chamada escrita uchen mentres que a forma escrita a man e cursiva é chamada escrita umê.
 | |
| Tipo | Alfasilabario |
|---|---|
| Linguas | Lingua tibetana, lingua dzongkha, lingua ladakhi, lingua sikkimese, lingua balti, lingua tamang, lingua sherpa, lingua yolmo, lingua tshangla e lingua gurung |
| Creador | Thonmi Sambhota |
| Período de uso | 650 - presente |
| Sistemas derivados | Alfabeto limbu Alfabeto lepcha Alfabeto de 'Phags-pa |
| Código ISO 15924 | Tibt, 330 |
| Unicode | U+0F00–U+0FFF |
O alfabeto está moi vencellado á identidade étnica tibetana, e emprégase no Tíbet, en Bután, na India e no Nepal.[1] O alfabeto tibetano é de orixe india e é o pai do alfabeto limbu e do alfabeto lepcha,[2] e tamén do multilingüe Alfabeto de 'Phags-pa.[2]