Sébastien Buemi

Sébastien Buemi

(2016)
Biografía
Nacemento	(fr) Sébastien Olivier Buemi 31 de outubro de 1988 (36 anos) Aigle, Suíza (pt)
Actividade
Ocupación	piloto de automobilismo, piloto de Fórmula Un
Deporte	automobilismo
Patrocinador	Red Bull GmbH
Traxectoria   Equipo Vehículo empregado - Davidson-Buemi-Nakajima (pt)
Participou en
2 de decembro de 2017	Temporada de Fórmula E de 2017–18 (pt)
9 de outubro de 2016	Temporada de Fórmula E de 2016–17 (pt)
2015	2015 FIA World Endurance Drivers' Championship (pt) (5º)
2014	2014 FIA World Endurance Drivers' Championship (pt) (1º)
2013	2013 FIA World Endurance Drivers' Championship (pt) (3º)
	24 Horas de Le Mans
	Temporada de Fórmula E de 2015–16 (pt)
	Tempada 2014-15 da Fórmula E
Familia
Parentes	Natacha Gachnang, curmán
Páxina web	buemi.ch

Sébastien Buemi (nado o 31 de outubro de 1988 en Aigle, Cantón de Vaud, Suíza) é un piloto de Fórmula 1 que forma parte de Red Bull Racing. Residente en Bahrain, antes de chegar á máxima categoría do automobilismo correu na Fórmula BMW, nas F3 Euroseries, onde foi subcampión en 2007, e na GP2, sendo campión da GP2 Asia no 2008.

Logo de correr en karting, Buemi correu na Fórmula BMW alemá en 2004 e 2005, terminando terceiro e segundo no campionato, respectivamente. Tamén foi finalista na final da FBMW Mundial de 2005.

Logo dunha única carreira na Fórmula Tres española en 2005, Buemi pasou á Fórmula Tres Euroseries de 2006, terminando 12º no campionato. Permaneceu na serie de 2007, e terminou segundo no campionato, por detrás de Romain Grosjean. El tamén competiu nas carreiras especiais de Masters of Fórmula 3 e Gran Premio de Macau.

Para a tempada 2006-07 de A1 Grand Prix, Buemi compartiu as tarefas de pilotaxe para o A1 Team Suíza con Neel Jani e Marcel Fässler. O equipo terminou oitavo no campionato.

Buemi foi preparado nun curto prazo de tempo para substituír o lesionado Michael Ammermüller en ART Grand Prix para a carreira de Mónaco da tempada 2007 da GP2 Series. Actuou honrosamente no seu debut na GP2, cualificando cuarto e terminando sétimo. Uniuse ao equipo Arden International para a tempada 2008 da GP2 Asia Series, e terminou en segunda posición cunha vitoria e catro segundos postos. Continuou co equipo na tempada 2008 das GP2 Series.^[1] Anotou a súa primeira vitoria na carreira de velocidade francesa, partindo da posición 21 na grella. Gañou unha carreira máis e terminou a tempada sexto no campionato.

O 18 de setembro de 2007 pilotou o Red Bull RB3 na sesión de probas de F1 en Xerez. Foi o terceiro máis rápido no día, detrás de Timo Glock ( BMW) e Vitantonio Liuzzi (Scuderia Toro Rosso) e por diante de nomes como Rubens Barrichello ( Honda) e Nelson Piquet Jr. ( Renault). O 16 de xaneiro de 2008 Red Bull Racing confirmou a Buemi como piloto de probas e de reserva para a tempada de Fórmula Un de 2008.^[2]

Toro Rosso confirmou o 9 de xaneiro de 2009 a firma de Buemi como un dos seus pilotos.^[3] Foi o primeiro suízo en tomar parte nunha carreira de F1 desde Jean-Denis Délétraz pilotando un Pacific no Gran Premio de Europa de 1995.

Na súa primeira carreira, o Gran Premio de Australia de 2009, Buemi cualificou por riba do seu compañeiro de equipo Sébastien Bourdais e logo anotou un punto na carreira ao terminar en oitava posición. Máis tarde foi promovido ao sétimo lugar como resultado da descualificación de Lewis Hamilton. No Gran Premio da China, marcou outro punto, esta vez en mollado, terminando oitavo logo de comezar décimo. Logo dunha non moi boa metade de tempada, Buemi logra no final da mesma terminar sétimo no Gran Premio do Brasil de 2009, e un oitavo posto en Abu Dhabi. Buemi terminou o ano décimo sexto con 6 puntos.

O 9 de novembro de 2009, confirmouse que Buemi seguiría por unha segunda tempada con Toro Rosso.

Buemi terminou o 2010 con oito puntos e o seu compañeiro Alguersuari cinco. Foi décimo sexto de novo no campionato de pilotos.

Buemi, xunto co seu compañeiro de equipo Jaime Alguersuari, seguiu na Scuderia Toro Rosso en 2011. O 14 de decembro de 2011, anunciouse que tanto Buemi e Alguersuari foron retirados do equipo, e que serían substituídos por Daniel Ricciardo e Jean-Éric Vergne para a tempada 2012.

En xaneiro de 2012 anunciouse que se reintegraría en Red Bull Racing como piloto de probas e de reserva para a tempada 2012, así como piloto de reserva de Toro Rosso.^[4]

Buemi vive coa súa familia e a súa noiva Jennifer en Bahrain.^[5]

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	13	14	15	16	17	18	19	Pos.	Puntos
2009	Scuderia Toro Rosso	Toro Rosso STR4	Ferrari 056 2.4 V8	AUS 7	MAL 16	CHN 8	BHR 17	ESP Ret	MON Ret	TUR 15	RU 18	ALE 16	HUN 16	EUR Ret	BEL 12	ITA 13	SIN Ret	XPN Ret	BRA 7	ABU 8			16º	6
2010	Scuderia Toro Rosso	Toro Rosso STR5	Ferrari 056 2.4 V8	BHR 16	AUS Ret	MAL 11	CHN Ret	ESP Ret	MON 10	TUR 16	CAN 8	EUR 9	RU 12	ALE Ret	HUN 12	BEL 12	ITA 11	SIN 14	XPN 10	COR Ret	BRA 13	ABU 15	16º	8
2011	Scuderia Toro Rosso	Toro Rosso STR6	Ferrari 056 2.4 V8	AUS 8	MAL 13	CHN 14	TUR 9	ESP 14	MON 10	CAN 10	EUR 13	RU Ret	ALE 15	HUN 8	BEL Ret	ITA 10	SIN 12	XPN Ret	COR 9	IND Ret	ABU Ret	BRA 12	15º	15

A Galipedia ten un portal sobre: Fórmula 1

Wikimedia Commons ten máis contidos multimedia na categoría:  Sébastien Buemi