Romain Grosjean

Romain Grosjean

(2021)
Biografía
Nacemento	17 de abril de 1986 (38 anos) Xenebra, Suíza
Residencia	Meudon
Actividade
Ocupación	piloto de automobilismo, piloto de Fórmula Un
Nacionalidade deportiva	Francia
Deporte	automobilismo
Traxectoria   Equipo Vehículo empregado 2016-2020 Haas F1 Team
Participou en
23 de agosto de 2015	Gran Premio de Bélxica de 2015
17 de novembro de 2013	Gran Premio dos Estados Unidos de 2013
27 de outubro de 2013	Gran Premio da India de 2013
13 de outubro de 2013	Gran Premio do Xapón de 2013
6 de outubro de 2013	Gran Premio de Corea de 2013
7 de xullo de 2013	Gran Premio de Alemaña de 2013
21 de abril de 2013	Gran Premio de Bahrain de 2013
29 de xullo de 2012	Gran Premio de Hungría de 2012
10 de xuño de 2012	Gran Premio do Canadá de 2012
22 de abril de 2012	Gran Premio de Bahrain de 2012
	Fórmula 1
	24 Horas de Le Mans
Familia
Cónxuxe	Marion Jollès Grosjean (2012–)
Nai	Marie-Hélène Brandt
Parentes	Edgar Brandt, bisavó
Páxina web	romaingrosjean.com

Romain Grosjean, nado en Xenebra o 17 de abril de 1986, é un piloto de carreiras, que ten dobre nacionalidade francesa e Suíza,^[1][2] pero compite baixo unha licenza de competición francesa.^[3] Actualmente compite con Haas F1 Team. Foi o campión da Fórmula Tres Euroseries de 2007 e da primeira edición da GP2 Asia Series, foise á Fórmula Un en 2009. En 2011 foi o campión da GP2 Asia Series e da GP2 Series.

En 2012, Grosjean regresou á Fórmula Un co Lotus F1 Team, xunto con Kimi Räikkönen.^[4] Logrou o seu primeiro podio na Fórmula Un no Gran Premio de Bahrain de 2012 e a súa primeira volta rápida no Gran Premio de España de 2012. Converteuse no primeiro piloto desde 1994 en recibir a sanción de participar nunha carreira logo de causar unha colisión múltiple no Gran Premio de Bélxica de 2012. En 2013 permaneceu con Lotus, logrando 6 podios. Pilotou para Lotus de novo xunto ao venezolano Pastor Maldonado nas tempadas 2014 e 2015.

O 29 de setembro de 2015, Haas F1 Team anunciou que Grosjean correra para o equipo na tempada 2016,^[5][6]con quen ten contrato ata o final da tempada de 2020. Na que sería a súa última carreira na Fórmula Un, Grosjean sobreviviu a un grande accidente durante o Gran Premio de Bahrain de 2020 cando o seu coche partiu en dous e prendeu lume despois de penetrar nunha varanda metálica na primeira volta. Grosjean sufriu queimaduras leves e atribuiulle ao halo salvarlle a vida.^[7]

Grosjean gañou as dez carreiras do campionato de 2003 da Swiss Formula Renault 1.6., trasladándose ao Campionato de Francia de Fórmula Renault 2.0 de 2004

Foi sétimo na primeira tempada, cunha vitoria, e campión en 2005 con dez vitorias. Grosjean tamén apareceu na Formula Renault Eurocup e terminou no podio dúas veces en Valencia.

Cos seus resultados e potencial na serie Fórmula Renault, Romain uniuse á programa de desenvolvemento de pilotos de Renault para a continuación da súa carreira.^[8]

Fixo unha tempada completa na Fórmula Tres Euroseries en 2006, pero tivo un ano difícil, acadando só un podio e terminando ese ano 13º. Pero nunha irrepetible aparición no Campionato británico de Fórmula Tres saíu na pole position nas dúas carreiras en Pau, gañou as dúas e estableceu a volta rápida en ambas.

Permaneceu na F3 Euroseries en 2007, pero se achegou a ASM Formule 3 na que Jamie Green, Lewis Hamilton e Paul di Resta gañaran os tres títulos anteriores. Sébastien Buemi liderou o campionato nas primeiras carreiras, pero Grosjean adiantouno cunha vitoria na novena carreira da tempada en Mugello.^[9] Mantivo a vantaxe na clasificación a partir dese punto e gañou o título na carreira final do ano.^[10]

Grosjean correu para ART na tempada inaugural da GP2 Asia Series de 2008 xunto a Stephen Jelley, gañou o campionato a falta de dúas carreiras. Gañou o campionato con catro vitorias e sesenta puntos na xeral.

Quedou co equipo ART Grand Prix para a tempada 2008 da GP2 Series.^[11] Os seus compañeiros de equipo foron Luca Filippi^[12] e Sakon Yamamoto. Terminou a cuarto nesa tempada e logrou a distinción de ser o novato co máis alto posto no campionato.

O campión da tempada 2008 de Fórmula Tres Euroseries, Nico Hulkenberg, uniuse a Pastor Maldonado no equipo ART para o ano 2009, obrigando a Grosjean a deixar o equipo. Con todo, Renault colocouno no equipo campión en 2008, o Campos Grand Prix en 2009, agora coñecido como Barwa Addax.^[13] A pesar de perderse as últimas catro carreiras, Grosjean terminou cuarto na clasificación do campionato.

Grosjean foi confirmado como piloto de probas de Renault para 2008, en substitución de Nelson Piquet Jr., quen conseguira unha praza de piloto oficial.^[14] Pilotou un coche de Fórmula Un por primeira vez no Reino Unido nunha carreira da Serie World Series by Renault de 2008 en Silverstone o 7 de xuño e 8 de xuño de 2008. En 2009 seguiu no papel de piloto de probas de Renault, pero se fixo cargo do asento de Piquet no Gran Premio de Europa de 2009.^[15] Terminou 15º na carreira logo dunha colisión primeira volta con Luca Badoer polo que tivo que parar para poñer un novo alerón dianteiro. Para a seguinte carreira en Bélxica quedou eliminado na primeira volta tras un choque con Jenson Button. No Gran Premio de Italia de 2009, fixo unha mala saída, danou o seu coche na primeira curva, e terminou 15º. El mesmo descríbese como "moi decepcionado" logo da carreira.

No Gran Premio de Singapur de 2009, tivo problemas de freos, o que lle obrigou a retirarse logo de só tres voltas. No Gran Premio do Xapón de 2009, terminou 16º. No Gran Premio do Brasil de 2009, Grosjean sufriu un accidente na práctica, do que saíu ileso. Rematou 13º o seu mellor resultado da tempada. No final de tempada no Gran Premio de Abu Zabi de 2009, Grosjean finalizou 18º e último. Dixo despois "que aprendera moitísimo este ano, sobre todo sendo compañeiro de equipo de Fernando". Tras o final da tempada a prensa tiña dúbidas de que Grosjean mantería o seu asento en 2010, o 31 de xaneiro de 2010 Renault na Fórmula 1 confirmou que o ex compañeiro de Grosjean no equipo de GP2 Addax Team, Vitaly Petrov sería o segundo piloto do equipo xunto a Robert Kubica para a tempada 2010 deixando a Grosjean sen unha unidade de Fórmula Un para 2010. Grosjean substituíu a Nick Heidfeld, quen deixou o seu posto de piloto de probas para ocupar un posto de carreira en Sauber.^[16]

Logo de deixar a Fórmula Un, Grosjean involucrouse nas carreiras de autos deportivos. En marzo de 2010, Grosjean conseguiu un posto na primeira edición do Campionato do Mundo FIA GT1, pilotando un Ford GT do equipo Matech Competition xunto ao piloto Alemán Thomas Mutsch.^[17] A parella gañou o a carreira de apertura do campionato da tempada en Abu Dhabi e sumou unha segunda vitoria en Brno, en maio para liderar a clasificación logo das tres primeiras carreiras da tempada.^[18]

En xuño de 2010, Grosjean fixo o seu debut na famosa carreira de resistencia das 24 Horas de Le Mans de 2010, compartía un Ford GT1 con Mutsch e Jonathan Hirschi. Logo de clasificarse terceiros na clase LMGT1, víronse obrigados a retirarse da carreira logo de 171 voltas.^[19]

En xuño de 2010, Grosjean regresou aos monoplazas de carreiras co equipo DAMS na terceira carreira da tempada 2010 de GP Auto en Spa -Francorchamps.^[20] Gañou catro carreiras cas que gañou o título con 16 puntos de vantaxe sobre o segundo piloto Edoardo Piscopo.

O 20 de xullo de 2010, Grosjean anunciou que ía volver á GP2 co equipo DAMS.

Na tempada 2011 Grosjean volveu á GP2 a tempo completo co equipo DAMS, participando nas dúas competicións, a GP2 Series e a a GP2 Asia Series.^[21] Gañando ambos campionatos.

Ao comezo da tempada de Fórmula Un 2011, Grosjean volveu á nova marca do equipo Lotus Renault GP como un dos cinco pilotos de probas, xunto con Bruno Senna, Ho -Pin Tung, Jan Charouz e Fairuz Fauzy. Lotus Renault tiña previsto correr con Robert Kubica e Vitaly Petrov ao longo de 2011, pero Kubica tivo un accidente e foi incapaz de pilotar durante o ano 2011. Nick Heidfeld substituíu a Kubica nas primeiras 11 carreiras antes de ser substituído polo propio Senna desde o Gran Premio de Bélxica en diante. A finais de outubro de 2011, Lotus Renault anunciou que levaría a Grosjean na sesión de adestramentos libres do venres ao Gran Premio de Abu Zabi (en substitución de Senna) e o Gran Premio do Brasil (en substitución de Petrov).

O 9 de decembro de 2011, anunciouse que faría o seu regreso á Fórmula 1 en 2012, tendo o asento oficial no recentemente renombrado Lotus F1 Team (anteriormente Renault, o equipo co que competiu Grosjean en 2009). Foi o compañeiro do campión da tempada 2007 Kimi Raikkonen.

Para 2012, Grosjean converteuse no piloto do título Lotus F1 Team xunto a Kimi Räikkönen.^[22] Na súa primeira carreira, o GP de Australia, Grosjean sorprende ao clasificarse na 3ª posición, pero na carreira tivo que retirarse despois dun toque con Pastor Maldonado.^[23] Despois doutro abandono en Malaisia, Romain anotou os seus primeiros puntos despois de quedar 6º en China. No GP de Bahrain, o piloto francés protagoniza unha excelente carreira e consegue o seu primeiro podio despois de terminar 3º.^[24] En España remata 4º e obtén a súa primeira volta rápida. Pero é no Gran Premio do Canadá onde consegue un meritorio 2º posto, presentando as súas credenciais como piloto sólido esta tempada.^[25] Máis tarde, no GP de Europa, mentres ocupaba a segunda posición e cada vez máis preto de Fernando Alonso, que lideraba naquel momento, sofre un fallo no alternador do seu motor, obrigándoo a abandonar a carreira.^[26] No GP de Hungría consegue o seu terceiro caixón, rematando a carreira na 3ª posición.^[27]

Na primeira volta do GP de Bélxica, Grosjean provoca un accidente espectacular, eliminando a Checo Pérez, o líder do campionato Fernando Alonso, Lewis Hamilton e o propio piloto galo. O Sauber de Kamui Kobayashi tamén resultou danado e rematou a carreira no 13º lugar. Romain recibiu unha multa de 50.000 euros e a suspensión na seguinte carreira, o GP de Italia que se celebrou en Monza, con isto convértese no primeiro piloto en ser suspendido nunha carreira en 18 anos (Michael Schumacher, Italia e Portugal en 1994).^[28] O substituto de Romain foi o piloto de probas de Lotus, Jérôme d'Ambrosio de Bélxica.^[29] Volvería en Singapur, onde acabaría 7º a pesar de que Lotus loitaba nas rúas urbanas. No GP de Abu Zabi, na volta 38, o piloto francés retírase do circuíto debido a unha colisión con Sergio Pérez Mendoza e Mark Webber.

Grosjean compaxinou ser un piloto de carreiras co traballo nun banco na súa cidade natal Xenebra.^[30]

Grosjean casou coa xornalista e presentadora de televisión francesa Marion Jollès Grosjean o 27 de xuño de 2012 en Chamonix.^[31] Levan xuntos desde 2008. O 29 de xullo de 2013, Marion deu a luz ao seu primoxénito, Sacha. ^[32] Teñen un segundo fillo chamado Simon que naceu o 16 de maio de 2015^[33] e unha filla chamada Camille que naceu o 31 de decembro de 2017.

En outubro de 2017, Grosjean presentou Cuisine et Confidences, un libro de cociña que escribiu coa súa muller. Os recoñecidos cociñeiros Akrame Benallal, Guy Savoy e Christophe Michalak colaboraron na redacción do libro. O libro apareceu no "Secret Santa" da F1 de 2017, onde o propio Grosjean agasallouno a Brendon Hartley, e en 2019 na "Grill the Grid" da F1, cunha pregunta que se fixo aos pilotos de Williams Robert Kubica e George Russell (que piloto de F1 en activo presentou un libro de cociña coautor coa súa muller?").^[34]

Tempada	Series	Equipo	Carreiras	Gañadas	Poles	Volta rápida	Podios	Puntos	Pos. Final
2003	Formula Lista Junior 1.6	Advance Racing	10	10	?	?	10	?	1º
2004	French Formula Renault	SG Formula	?	1	?	?	4	?	7º
	Formula Renault 2000 Eurocup		9	0	0	0	0	32	14º
2005	French Formula Renault	SG Formula	16	10	10	0	13	211	1º
	Eurocup Formula Renault 2.0		7	0	0	0	2	28	12º
	Macau Grand Prix	Signature-Plus	1	0	0	0	0	N/A	9º
2006	Formula 3 Euro Series	Signature-Plus	20	0	0	0	1	19	13º
	British Formula 3 Championship		2	2	1	2	2	0	NC†
	Macau Grand Prix		1	0	0	0	0	N/A	5º
2007	Formula 3 Euro Series	ASM Formule 3	20	6	4	7	13	106	1º
	Masters of Formula 3		1	0	1	0	0	N/A	14º
	Macau Grand Prix		1	0	0	0	0	N/A	8º
2008	GP2 Series	ART Grand Prix	20	2	1	2	6	62	4º
	GP2 Asia Series		10	4	4	3	5	61	1º
	Formula One	ING Renault F1 Team	Piloto de probas
2009	GP2 Series	Barwa Addax Team	12	2	3	2	3	45	4º
	Fórmula 1	ING Renault F1 Team Renault F1 Team	7	0	0	0	0	0	23º
2010	GP2 Series	DAMS	8	0	0	0	2	14	14º
	Auto GP		8	4	3	4	7	58	1º
	FIA GT1 World Championship	Matech Competition	10	2	0	0	3	62	11º
	24 Horas de Le Mans		1	0	0	0	0	N/A	Ret
	24 Horas de Spa	Gravity International	1	0	0	0	0	N/A	16º
2011	GP2 Series	DAMS	18	5	1	6	10	89	1º
	GP2 Asia Series		4	1	2	2	2	24	1º
	Fórmula 1	Lotus Renault GP	Piloto de probas
2012	Fórmula 1	Lotus F1 Team	19	0	0	1	3	96	8º
2013	Fórmula 1	Lotus F1 Team	19	0	0	0	6	132	7º
2014	Fórmula 1	Lotus F1 Team	19	0	0	0	0	8	14º
2015	Fórmula 1	Lotus F1 Team	19	0	0	0	1	51	11º
2016	Fórmula 1	Haas F1 Team	21	0	0	0	0	29	13º
2016-17	Andros Trophy - Elite Pro Class	DA Racing	2	1	1	1	1	106	14º
2017	Fórmula 1	Haas F1 Team	20	0	0	0	0	28	13º
2018	Fórmula 1	Haas F1 Team	21	0	0	0	0	37	14º
2019	Fórmula 1	Haas F1 Team	21	0	0	0	0	8	18º
2020	Fórmula 1	Haas F1 Team	15	0	0	0	0	2	19º

† – Como Grosjean era un piloto invitado, era inelixible para puntuar.

(Chave)

Ano	Equipo	Chasis	Motor	1	2	3	4	5	6	7	8	9	10	11	12	13	14	15	16	17	18	19	20	21	22	Pos.	Puntos
2009	ING Renault F1 Team	Renault R29	Renault RS27 2.4 V8	AUS	MAL	CHN	BHR	ESP	MON	TUR	RU	ALE	HUN	EUR 15	BEL Ret	ITA 15										23º	0
	Renault F1 Team																SIN Ret	XPN 16	BRA 13	ABU 18
2011	Lotus Renault GP	Renault R31	Renault RS27 2.4 V8	AUS	MAL	CHN	TUR	ESP	MON	CAN	EUR	RU	ALE	HUN	BEL	ITA	SIN	XPN	COR	IND	ABU PP	BRA PP				NC	-
2012	Lotus F1 Team	Lotus E20	Renault RS27-2012 2´4 V8	AUS Ret	MAL Ret	CHN 6	BAH 3	ESP 4	MON Ret	CAN 2	EUR Ret	RU 6	ALE 18	HUN 3	BEL Ret	ITA	SIN 7	XPN 19†	COR 7	IND 9	ABU Ret	USA 7	BRA Ret			8	96
2013	Lotus F1 Team	Lotus E21	Renault RS27-2012 2´4 V8	AUS 10	MAL 6	CHN 9	BAH 3	ESP Ret	MON Ret	CAN 13	RU 19†	ALE 3	HUN 6	BEL 8	ITA 8	SIN Ret	COR 3	XPN 3	IND 3	ABU 4	USA 2	BRA Ret				7º	132
2014	Lotus F1 Team	Lotus E22	Renault Energy F1-2014 1.6 V6 t	AUS Ret	MAL 11	BAH 12	CHN Ret	ESP 8	MON 8	CAN Ret	AUT 14	RU 12	ALE Ret	HUN Ret	BEL Ret	ITA 16	SIN 13	XPN 15	RUS 17	USA 11	BRA 17†	ABU 13				14º	8
2015	Lotus F1 Team	Lotus E23 Hybrid	Mercedes PU106B Hybrid 1.6 V6 t	AUS Ret	MAL 11	CHN 7	BHR 7	ESP 8	MON 12	CAN 10	AUT Ret	RU Ret	HUN 7	BEL 3	ITA Ret	SIN 13†	XPN 7	RUS Ret	USA Ret	MEX 10	BRA 8	ABU 9				11º	51
2016	Haas F1 Team	Haas VF-16	Ferrari 061 1.6 V6 t	AUS 6	BHR 5	CHN 19	RUS 8	ESP Ret	MON 13	CAN 14	EUR 13	AUT 7	GBR Ret	HUN 14	ALE 13	BEL 13	ITA 11	SIN NTS	MAL Ret	XPN 11	USA 10	MEX 20	BRA NTS	ABU 11		13º	29
2017	Haas F1 Team	Haas VF-17	Ferrari 062 1.6 V6 t	AUS Ret	CHN 11	BHR 8	RUS Ret	ESP 10	MON 8	CAN 10	ACE 13	AUT 6	GBR 13	HUN Ret	BEL 7	ITA 15	SIN 9	MAL 13	XPN 9	USA 14	MEX 15	BRA 15	ABU 11			13º	28
2018	Haas F1 Team	Haas VF-18	Ferrari 063 1.6 V6 t	AUS Ret	BHR 13	CHN 17	ACE Ret	ESP Ret	MON 15	CAN 12	FRA 11	AUT 4	GBR Ret	ALE 6	HUN 10	BEL 7	ITA DSC	SIN 15	RUS 11	XPN 8	USA Ret	MEX 16	BRA 8	ABU 9		14º	37
2019	Rich Energy Haas F1 Team	Haas VF-19	Ferrari 064 1.6 V6 t	AUS Ret	BHR Ret	CHN 11	AZE Ret	ESP 10	MON 10	CAN 14	FRA Ret	AUT 16	GBR Ret	ALE 7	HUN Ret	BEL 13	ITA 16	SIN 11	RUS Ret	XPN 13	MEX 17	USA 15	BRA 13	ABU 15		18º	8
2020	Rich Energy Haas F1 Team	Haas VF-20	Ferrari 065 1.6 V6 t	AUT Ret	EST 13	HUN 16	GBR 16	70º 16	ESP 19	BEL 15	ITA 12	TOS 12	RUS 17	EIF 9	POR 17	EMI 14	TUR Ret	BAH Ret	SAK	ABU						19º	2

• Tempada en curso

Ano	Equipo	Co-Pilotos	Coche	Clase	Voltas	Pos.	Clase Pos.
2010	Matech Competition	Thomas Mutsch Jonathan Hirschi	Ford GT1	GT1	171	Ret	Ret

A Galipedia ten un portal sobre: Fórmula 1

Wikimedia Commons ten máis contidos multimedia na categoría:  Romain Grosjean

• Páxina Oficial