Pam Grier

Pam Grier

(2012)
Biografía
Nacemento	(en) Pamela Suzette Grier 26 de maio de 1949 (75 anos) Winston-Salem, Estados Unidos de América
Outros nomes	Pam Grier
Grupo étnico	Afroamericano
Relixión	Xudaísmo
Educación	East High School (en) Metropolitan State University of Denver (en)
Altura	173 cm
Cor dos ollos	Castaño
Cor do pelo	Pelo negro
Actividade
Ocupación	actriz de cinema, Aikidoka, karateka, actriz de teatro, actriz de televisión, actriz
Período de actividade	1970 -
Patrimonio estimado	10.000.000 $
Nacionalidade deportiva	Estados Unidos de América
Deporte	Karate
Obra
Obras destacables (1997) Jackie Brown
Familia
Parella	Kareem Abdul-Jabbar Richard Pryor Freddie Prinze Kevin L. Evans
Premios
(2018)  Premio Máquina do Tempo
Descrito pola fonte	Obálky knih, Notable Black American Women

Pamela Suzette Grier, nada en Winston-Salem (Carolina do Norte) o 26 de maio de 1949 é unha actriz estadounidense. Acadou sona por protagonizar na década de 1970 filmes sobre mulleres no cárcere e de blaxploitation para American International Pictures e New World Pictures, especialmente Coffy (1973) e Foxy Brown (1974). Descrita por Quentin Tarantino como a primeira estrela de acción feminina do cinema,^[1] protagonizou para o director o filme Jackie Brown como a personaxe homónima, polo que recibiu un Satellite Award e candidaturas ao Globo de Ouro á mellor actriz e ao premio do sindicato de actores.

Durante seis temporadas, Grier interpretou a Kate "Kit" Porter na serie de Showtime The L Word, que se emitiu entre 2004 e 2009. Recibiu unha candidatura ao Emmy polo seu traballo no programa de animación Happily Ever After: Fairy Tales for Every Child.

Para cumprir os seus desexos de ser actriz, aos 18 anos marchou aos Ánxeles a procurar traballo e conseguiu que a contratasen na AIP (American International Pictures), produtora de filmes de baixo orzamento.

Debutou no cinema cun pequeno papel en Beyond the Valley of the Dolls (1970), dirixido por Russ Meyer. Como este filme tivo éxito, contratárona para The Big Doll House (1971), sobre un cárcere de mulleres. Os chamados filmes WIP (Women in Prison) eran moi populares nesa época, e por iso Grier fixo máis do subxénero, como Women in Cages (1972) e Big Bird Cage (1972).

Pouco a pouco, Grier fíxose popular protagonizando filmes de blaxploitation, é dicir, filmes baratos destinados principalmente ao público afroamericano, onde os protagonistas eran negros e había grandes doses de violencia. Pam Grier protagonizou filmes como Coffy (1973), Foxy Brown (1974) e Sheba Baby (1975), en que interpretaba mulleres fortes e independentes que tomaban a xustiza pola man para afrontar malvados sen escrúpulos, ante a pasividade e a corrupción das autoridades. Isto fíxoa moi popular, e Grier converteuse nunha icona para a comunidade negra, xunto con outros intérpretes como Tamara Dobson e Richard Roundtree.

A finais da década de 1970, a súa popularidade decaeu e paso a interpretar papeis secundarios en filmes de distinta calidade. Tamén fixo pequenos papeis en series de televisión como Miami Vice o The Fresh Prince of Bel-Air.

A súa sorte cambio en 1997 grazas ao director Quentin Tarantino, grande afeccionado aos filmes de blaxploitation, que a converteu na protagonista de Jackie Brown, filme que adaptaba unha novela de Elmore Leonard e que reivindicaba a blaxploitation. O filme tivo un grande éxito e converteuna de novo nunha actriz popular.

Despois de Jackie Brown continuou a traballar asiduamente en filmes de todo tipo, como Holy Smoke (1999) ou Ghosts of Mars (2001), ademais de ser unha das protagonistas da serie de televisión The L Word.

Wikimedia Commons ten máis contidos multimedia na categoría:  Pam Grier

• Sims, Yvonne D. (2006). "Here comes the queen". En Sims, Yvonne D. Women of blaxploitation: how the black action film heroine changed American popular culture. Jefferson, North Carolina: McFarland & Company, Inc. Publishers. pp. 71–92. ISBN 978-0-7864-2744-4. 

• Pam Grier Interview at Bright Lights Film Journal
• Moon Stomper: Pam Grier