Oncorhynchus kisutch

Salmón prateado / Salmón coho Oncorhynchus kisutch
Estado de conservación
Non avaliado
Clasificación científica
Reino: Animalia Filo: Chordata Subfilo: Vertebrata Infrafilo: Gnathostomata Superclase: Osteichthyes Clase: Actinopterygii Subclase: Neopterygii Infraclase: Teleostei Superorde: Protacanthopterygii Orde: Salmoniformes Familia: Salmonidae Subfamilia: Salmoninae Xénero: Oncorhynchus Especie: O. kisutch
Nome binomial
Oncorhynchus kisutch Walbaum, 1792

Oncorhynchus kisutch (do ruso кижуч kizhuch), tamén coñecido como salmón prateado ^[1], salmón coho ou salmón do Pacífico, é unha especie de peixe osteíctio, eurihalino e anádromo, da familia dos salmónidos, subfamilia dos salmoninos que vive no océano Pacífico norte.

Durante a súa etapa oceánica, ten os flancos prateados e o lombo azul escuro. Durante a súa etapa de reprodución, as mandíbulas e dentes cúrvanse en forma de gancho, e desenvolven cores rechamantes, nos flancos vermella brillante, na cabeza e o dorso verde azulada, con manchas escuras no dorso e o ventre escuro. Durante a maduración sexual desenvolve unha difusa mancha rosa ao longo do ventre e os machos poden amosar un lixeiro arqueamento no lombo.

Ten unha lonxitude media de 97 cm e un peso de 3 a 5 kg, aínda que se informou de casos de animais de até 16 kg.

As femias maduras poden ser máis escuras cós machos.

Encóntrase principalmente en augas costeiras, non adentrándose en mar aberto como moitas outras especies de salmóns. Tamén se encontra en auga doce durante o seu primeiro ano de vida e, máis tarde, durante a desova.

Nos ríos, prefire correntes de auga de curso relativamente lento, e con leitos de grava fina. No océano, tende a vivir máis preto das costas que en mar aberto.

Habita nas costas e ríos do Pacífico norte, desde a Baixa California até Alasca.

O cultivo en gaiolas no mar de salmón prateado vén facéndose dende fai case medio século, aínda que con escasa produción até 1980, data a partir da cal establecéronse no sur de Chile unha gran cantidade de granxas con gaiolas mariñas, país que no 2004 producía máis de 100.000 toneladas, o que representa preto do 90 % da produción mundial desta especie.^[2]

Wikimedia Commons ten máis contidos multimedia na categoría:  Oncorhynchus kisutch

Wikispecies posúe unha páxina sobre:  Oncorhynchus kisutch

• Eschmeyer, W. N. (ed.) (2014): Catalog of fishes: Genera, Species, References. California Academy of Sciences, department Ichtyology.
• Esteve, Manu (2005): "Observations of spawnig behaviour in Salmoninae: Salmo, Oncorhynchs and Salvelinus". Reviews in Fish Biology and Fischeries 15: 1-21.
• Froese, Rainer & Daniel Pauly, eds. (2008): Salmoniformes en FishBase.
• Lahuerta, F. e Vázquez, F. X. (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8.
• Nelson, J. S. (2006): Fishes of the World. Cuarta edición. Nova York: John Wiley and Sons, Inc. ISBN 0-471-25031-7.
• Sepkoski, Jack (2002): "Osteichthyes", en "A compendium of fossil marine animal genera". Bulletin of American Paleontology 364: 560. HTML texto completo Arquivado 20 de febreiro de 2009 en Wayback Machine.
• van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N. & Froese, R. (2001): "Pisces", en: Costello, M. J. et al. (Eds.) (2001): European register of marine species: a check-list of the marine species in Europe and a bibliography of guides to their identification. París: Muséum national d'Histoire naturelle. Collection Patrimoines Naturels, 50: 357-374. ISBN 2-85653-538-0.

• Salmónidos
• Salmoninos

• Oncorhynchus kisutch (Walbaum, 1792) en FishBase.
• Oncorhynchus kisutch en ADW.
• Oncorhynchus kisutch no NCBI.