Hemoptise

Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico.

Hemoptise é o termo médico empregado para describir a expectoración de esputo hemático, isto é, de sangue fresco, que ten coma orixe o aparello respiratorio. A súa intensidade pode abranguer dende moi discreta, pequenos filamentos de sangue, até formas severas con sangue fresca denominada hemoptise franca. A hemoptise masiva é a forma de presentación máis grave.

A hemoptise refírese só ao sangue expulsado pola boca que provén do aparello respiratorio. O sangue que ten coma orixe o aparello dixestivo alto (vómitos sanguentos) coñécese co nome de hematámese.^[1]

Na hemoptise, o sangue é de cor brillante, escumosa ou en forma de coágulos, a diferenza da hematámese, onde o sangue é de cor marrón, semellando á borra do café, e que pode conter restos de alimentos, xa que a orixe é o aparello gastrointestinal. Outra diferenza entre a hematámese e a hemoptise é o pH: é alcalino ou básico na hemoptise e ácido na hematamese.

A hemoptise pódese clasificar segundo a súa gravidada en leve, moderada, severa ou masiva. Dita clasificación baséase no volume en mililitros de sangue perdida ao día.

• Leve: menos de 30 ml/día
• Moderada: de 30 a 200 ml/día
• Severa: de 200 a 600 ml/día
• Masiva: máis de 600 ml/día^[2]

Existen numerosas causas de hemoptise, sendo a bronquite e a pneumonía as causas máis habituais, malia non as únicas. En pacientes fumadores, a hemoptise persistente pode ser un síntoma frecuente.

As principais causas de expulsión de sangue procedente do aparello respiratorio son:

• Cancro de pulmón, tanto os carcinomas pulmonares de célula pequena como de non-célula pequena..^[3][4]
• Sarcoidose^[5]
• Aspexiloma
• Tuberculose^[6]
• Histoplasmose^[7]
• Pneumonía
• Edema pulonar
• Inxestión de corpo estraño e pneumonía por aspiración
• Síndrome de Goodpasture
• Granulomatose de Wegener^[8]
• Bronquite^[9]
• Bronquiectasias^[9]
• Embolia pulmonar^[10]
• Terapia con anticoagulantes^[10]
• Traumatismo^[10]
• Absceso pulmonar^[10]
• Estenose mitral
• Eosinofilia tropical
• De causa medicamentosa
• Trastornos da coagulación sanguínea

• Hematámese
• Melena
• Tuberculose
• Cancro de pulmón

• Hemoptise en MedlinePlus (en inglés).