Festival de Cinema de Tribeca

Festival de Cinema de Tribeca
Tipo	festival de cinema
Data de fundación	2002
Fundador(es)	Jane Rosenthal, Robert De Niro e Craig Hatkoff
País	Estados Unidos de América
40°43′06″N 74°00′28″O / 40.7183, -74.0078
Na rede
https://tribecafilm.com/
[ editar datos en Wikidata ]

O Festival de Cinema de Tribeca (en inglés: TriBeCa Film Festival) foi creado no ano 2002 polo produtor cinematográfico Jane Rosenthal e o actor Robert De Niro, en resposta á perda de vitalidade do barrio neoiorquino de Tribeca despois dos atentados do 11 de setembro de 2001.

Cada ano, o festival acolle máis de 600 proxeccións con aproximadamente 150.000 asistentes e premia a artistas independentes en 23 categorías competitivas con xurado.^[1]

Con preto de 250 filmes e máis de 1.000 proxeccións en 2006 e 2007, o de TriBeCa é hoxe en día un dos festivais de cinema máis destacados no mundo. O seu programa ofrece aos asistentes unha gran variedade de filmes independentes, incluíndo documentais, curtametraxes e longametraxes narrativos, e un programa de filmes aptos para toda a familia. Conta tamén con mesas redondas, onde discuten diversas personalidades do mundo do entretemento, e un salón musical, producido en conxunto coa ASCAP (Sociedade Americana de Compositores, Autores e Editores), para permitir a exhibición de artistas consagrados e novatos. Un dos compoñentes máis distintivos do festival son os seus premios Artists Awards, no que artistas tanto emerxentes como recoñecidos outórganlle obras de arte orixinais aos gañadores do festival. Algúns dos artistas que colaboraron con estes premios son Chuck Close, Alex Katz e Julian Schnabel.

Malia isto, algúns críticos afirman que o Festival de Cinema de Tribeca é tan só unha plataforma de lanzamento para grandes producións de Hollywood e proxectos dirixidos por celebridades, e que non se cumpre co obxectivo de axudar aos cineastas ou á comunidade independente de Nova York.

Wikimedia Commons ten máis contidos multimedia na categoría:  Festival de Cinema de Tribeca

• Páxina web oficial do Festival de Cinema de Tribeca (en inglés)