Birdy

Birdy

(2013)
Biografía
Nacemento	15 de maio de 1996 (28 anos) Lymington, Reino Unido (pt)
Educación	Brockenhurst College (en) Priestlands School (en)
Actividade
Campo de traballo	Composición musical
Ocupación	cantautora, pianista, cantante, guitarrista, artista discográfico
Período de actividade	2008 -
Xénero artístico	Música pop, indie folk, indie rock, folk e indie pop
Influencias	Kate Bush
Tesitura	Soprano
Instrumento	Piano e voz
Selo discográfico	Warner Music Group 14th Floor Records Warner Bros. Records
Familia
Familia	Van den Bogaerde (en)
Pais	Rupert van den Bogaerde   e Sophie Roper-Curzon
Descrito pola fonte	Obálky knih,
Páxina web	officialbirdy.com

Jasmine van den Bogaerde, nada o 15 de maio de 1996, tamén coñecida polo seu nome artístico Birdy, é unha artista inglesa. É coñecida por gañar a competión musical Open Mic UK en 2008, con 12 anos. A súa versión da canción "Skinny Love" de Bon Iver realizouse en xaneiro de 2011, a que facilitou estar no top vinte da lista de sinxelos británicos (UK Singles Chart) e nos dalgúns países europeos. O seu álbum debut "Birdy" saíu á luz o 7 de novembro de 2011.

Birdy naceu o 15 de maio de 1996 en Lymington, Inglaterra. Súa nai é unha pianista. Birdy aprendeu a tocar o piano cando tiña catro anos e comezou a compor a súa propia música aos sete anos de idade.^[1] Actualmente estuda na Priestlands School en Lymington, unha pequena escola pública especializada en artes escénicas e visuais. O seu tío avó foi o actor Sir Dirk Bogarde.^[2]

En 2008, á idade de 12, Birdy gañou o concurso de talentos británico Open Mic UK, derivado da competición Live and Unsigned. Gañou tanto na categoría de menores de dezaoito anos como o gran premio, a outros 10.000 concursantes.^[3][4] Tocou unha canción de seu na competición "So Be Free" diante de 2000 persoas.^[5]

Despois do concurso, recibiu unha oferta para firmar un contrato discográfico coa Good Soldier Songs Ltd, dirixida por Christian Tattersfield, presidente da Warner Bros. Music UK^[5] e a discográfica 14th Floor Records. Tattersfield xa firmara con anterioridade un contrato con outros cantantes/compositores como, por exemplo, David Gray.^[6] En 2009, Birdy deu unha actuación ao vivo co piano para o programa radiofónico Pianothonda BBC Radio 3's en Londres.^[7]

En 2011, con 14 anos, Birdy fixo un cover da canción "Skinny Love" de Bon Iver .^[8] A canción converteuse no seu primeiro éxito nas listas británicas, obtendo o número 17. O single foi a "Canción da semana"^[9] polo DJ de radio británico Fearne Cotton,^[5] , o que tivo como resultado que fora engadido a lista de reprodución da BBC Radio 1^[10] despois de ser lanzado no mes de marzo de 2011.^[11] O videoclip oficial para a canción foi dirixido por Sophie Muller.^[12] Ademais,, a canción apareceu no episodio de Crónicas vampíricas "O sol tamén se ergue", emitido o 5 de maio de 2011. Desde aquela, Birdy fixo diferentes covers como o da canción "The A Team" de Ed Sheeran ou a da canción "Shelter" de The XX', que tamén apareceu no episodio "A fin do romance" de Crónicas vampíricas, emitido o 29 de setembro. "Skinny Love" chegou ao número number 2 nos Países Baixos, e ao un no Top 30 de iTunes.

O 19 de xullo de 2011, Birdy actuou na Live Lounge da BBC Radio 1 .^[13] Nesta sesión, tocou a cover do tema "Shelter" de The XX e a do "The A Team" de Ed Sheeran. O seu álbum homónimo publicouse o 7 de novembro de 2011; o álbum chegou ao número trece no Reino Unido, ao corenta na Irlanda e ao top 10 na Bélxica e nos Países Baixos.