Banda dos Catro

A Banda dos Catro (en chinés tradicional: 四人幫; en chinés simplificado: 四人帮; pinyin: sì rén bāng) foi o nome que recibiu un grupo de altos dirixentes do Partido Comunista da China que foron expulsados do mesmo e postos baixo arresto trala morte de Mao Zedong en 1976, sendo declarados culpables de crimes e abusos cometidos durante a Revolución Cultural. Este feito é considerado como o final deste período histórico da China.

O grupo estaba composto pola viúva de Mao, Jiang Quing, e tres dos colaboradores desta: Zhang Chunqiao, Yao Wenyuan e Wang Hongwen, os cales desempeñaban altos cargos dentro do Goberno da República Popular China nos últimos anos de vida de Mao. Jiang Qing, apoiada por Mao, en 1966 púxose á fronte do aparello cultural do Estado mentres que os outros tres eran altos dirixentes do PCCh en Shanghai.

• Membros da Banda dos Catro
• 
  Jiang Qing
• 
  Zhang Chunqiao
• 
  Yao Wenyuan (centro)
• 
  Wang Hongwen

• Barnouin, Barbara; Changgen, Yu.: Ten Years of Turbulence. The Chinese Cultural Revolution. Londres/Nova York: Kegan Paul International, 1993

• Maoísmo
• Revolución Cultural

• China - The Four Modernizations, 1979-82. country-studies.com