agarrar

• Etimoloxía: de garra e o prefixo a-.

• Pronuncia: [a.ɣaˈraɾ] (AFI)

agarrar

1. (Coloquial) Quedar fecundada [unha femia].
   • Exemplo: Esta vaca agarrou.
     
     
   • Sinónimos: empreñar, preñar.
2. (Coloquial) Botar raíces [unha planta] e desenvolverse como consecuencia.
   • Sinónimos: arraigar, enraizar, prender.

• Castelán: (1) empreñar ^(es), (1) preñar ^(es).

agarrarse

1. Poñer certas partes do corpo con respecto [a algo ou alguén] para evitar separarse [dese algo ou alguén].
2. Enfrontarse fisicamente.
   • Sinónimos: pelexar.
   • Termos relacionados: agarrada.
3. (Figurado) Aproveitar a oportunidade que supón [algo ou alguén].
   • Observacións: emprégase sempre seguido da preposición «a».
   • Sinónimos: aferrarse, asirse.

• Castelán: (3) aferrarse ^(es).

agarrar

1. Poñer certas partes do corpo ou un instrumento con respecto a [algo ou alguén] de forma que permita inmobilizalo.
   • Sinónimos: coller, suxeitar.
2. Poñer certas partes do corpo ou un instrumento con respecto a [algo ou alguén] de forma que permita telo.
   • Sinónimos: aguantar, coller, soster, suxeitar, ter man de, termar, tomar.
3. Chegar a ter [unha enfermidade].
   • Exemplo: O Alberto tanto dicir que usar condón era para parvos, e ao final agarrou o sida.
     
     
   • Sinónimos: apañar, contraer.
4. Pasar a estar en [un estado anormal].
   • Exemplo: Estiven intentando falalo con el, pero acabou agarrando un cabreo e marchando.
     
     
   • Sinónimos: apañar.

• Castelán: (1 e 2) agarrar ^(es), (1 e 2) coger ^(es), (2) tomar ^(es).
• Francés: (2) prendre ^(fr).