croca

A versión para imprimir xa non se actualiza e pode conter erros de renderizado. Actualice os marcadores do seu navegador e empregue mellor a función de impresión propia do navegador.

Galego

Pronuncia: /ˈkɾɔka̝/ (AFI)

Substantivo feminino

croca

singular	plural
croca	crocas

(Anatomía) Últimos ósos do espiñazo, á altura do nacemento do rabo, do gando vacún.
- Sinónimos: alcatra, pombela, sacro.
- Exemplo: Deulle un pau con tal forza que lle rompeu a croca.
- Termos relacionados: escrocarse.
(Alimentación) Peza de carne de vacún procedente da parte superior da coxa, onda os cadrís, que enche a cara superior do óso coxal.
- Sinónimos: cadeira, cuada.
- Exemplo: Hoxe imos cear filetes de croca.
- Observacións: Está formada polos músculos glúteos (superficial, medio e profundo), polo que presenta numerosas fascias e aponeuroses (popularmente, nervios).
(Alimentación) Castaña pelada e curada ao fume para conservala.
- Sinónimos: maia, maiola.
(Figurado) A parte superior e traseira da cabeza humana.
- Sinónimos: coca, cocote, coroa, couquizo, curuto, toutizo.
(Familiar) A propia cabeza das persoas.
- Sinónimos: cacha, cachamúa, cacho, cachola, caco, calamoucha, chola, coca, crisma, testa.

Traducións

Peza de carne.

Castelán: cadera ^(es)
Inglés: rump ^(en), rump steak ^(en), round ^(en)
Portugués: alcatra ^(pt)