Txan fantasma
Txan fantasma Mariasun Landak idatzitako liburu bat da. Landak 1982an Lizardi Saria irabazi zuen "Txan fantasmaren etengabeko istorioa" ipuinarekin eta Egan aldizkarian argitaratu zen. 1984an, egilearen ibilbide literarioaren hastapenean, Elkar argitaletxeak argitaratu zuen Txan fantasma liburua.[1] 2011koa dugu azken argitalpena.
| Txan fantasma | |
|---|---|
 | |
| Datuak | |
| Idazlea | Mariasun Landa |
| Argitaratze-data | 1984,1999,2011 |
| Generoa | Haur eta Gazte Literatura |
| Jatorrizko izenburua | Txan fantasma |
| Argitaletxea | Elkar |
| Herrialdea | Euskal Herria |
| Bilduma | Klis-klasikoak |
| Formatua | Liburua |
| Datu gehigarriak | |
Obra Euskal Haur eta Gazte Literatura modernoaren aitzindaritzat hartzen da, tematikan eta narrazio teknikan berrikuntza ekarri zuelako. Baina, batez ere, errealismo kritikoaren korrontea euskal literaturara ekarri zuen lehen idazlan nabarmenetariko bat izan zelako. Izan ere, eta euskal errealismo kritikoari dagokionez, Mariasun Landa dugu Euskal Haur eta Gazte Literaturako idazlerik garrantzitsuena.Aipuaren errorea: Baliogabeko <ref> etiketa;
baliogabeko izenak, adib. gehiegi
Argumentua
aldatuTxan fantasma dugu ipuin honen kontalari, eta farola baten gainetik Karmentxuren istorioa kontatzen digu, bukaerako egoeratik hasita. Karmentxu umezurtz geratu eta izebaren etxera doa bizitzera. Baina bien arteko harremana ez da ona, bakardadea eta ulertezintasuna nagusitzen baitira. Egoera honi irtenbide bat eman nahian, neskatila animismoan eta irudimenean babesten da. Honen fruitua Txan fantasma da, Karmentxuren konplizea bihurtzen dena.[1]
Gaiak
aldatuTematika psikologikoa ukitzen du idazleak, gaur egungo arazo eta errealitatean oinarrituz. Maitasun eza, bakardadea, asmaturiko laguna, helduen mundu ulertezina, harremanak, irudimena, animismoa eta laguntasuna dira liburuan agertzen diren gai nagusienak.
Estiloa
aldatuEz da ohiko ipuina, haurrei zuzenduta egonagatik ere, ez da oso samurra, eta ez du mezu jakinik eman nahi. Idazkera garbia eta ulerterraza da; hizkuntza soila eta zuzena. Istorioan zehar umeen unibertsoko elementuak ageri dira, besteak beste, jostailuak, irudimena eta alaitasuna. [2] Hala ere, giro tristea nabari da ipuinean zehar, eta bukaera irekia izateak lehen irakurleentzako obra ez dela erakusten digu. [3]
Itzulpenak
aldatuHizkuntza desberdinetan aurki dezakegu obra hau, besteak beste, katalanez, gaztelaniaz, grezieraz, galegoz, ingelesez eta esperantoz.
Edizio digitalak
aldatu2016an Galtzagorri elkarteak sortu zuen liburuaren app-a, liburuaren osagarri digitala, Android eta IOS sistemetarako[4]
Erreferentziak
aldatu- ↑ a b Etxaniz, Xabier. (1997). Euskal Haur eta Gazte Literaturaren Historia. Iruña: Pamiela, 280-282 or..
- ↑ «Liburu-iruzkinak: Mariasun Landaren Txan fantasma» idazten.com.
- ↑ «Klis-klasikoak, Txan fantasma» berria.eus.
- ↑ «Galtzagorri albiste: App berria: txan fantasma appa» Behinola aldizkaria ISSN 1575-8168. 34.zkia (2016ko abendua) 39 orr..
Kanpo estekak
aldatuDatuak: Q25476248