Mehmed IV.a

Mehmed IV.a^[1] (Dördüncü, laugarrena eta Avcı, ehiztaria, ezizenak jaso zituena, 1642ko urtarrilaren 2a - 1693ko urtarrilaren 6a) Otomandar Inperioko sultana izan zen 1648 eta 1687 bitartean. Ibrahim I.ak bere ohaideetako batekin, Turhan Hadicerekin izandako semea zen, honegatik Valide Sultan bihurtu zena. Bera jaio eta gutxira, bere gurasoek eztabaida gogor bat izan zuten eta Ibrahim horrenbeste haserretu zen Mehmed bere amaren eskuetatik kendu zuela, hau putzu batera botaz. Bere zorionerako, Mehmed berehala salbatua izan zen, inongo kalterik jasan gabe.

Mehmed IV.a
Irudi gehiago
Otomandar Inperioko sultana 1648ko abuztuaren 12a - 1687ko azaroaren 8a ← Ibrahim I.a - Suleiman II.a →
Bizitza
Jaiotza	Konstantinopla, 1642ko urtarrilaren 2a
Herrialdea	Otomandar Inperioa
Heriotza	Edirne, 1693ko urtarrilaren 6a (51 urte)
Hobiratze lekua	Istanbul
Familia
Aita	Ibrahim I.a
Ama	Turhan Hatice Sultan
Bikotekidea(k)	ikusi Siyavuş Sultan (en) Emetullah Rabia Gülnuş Sultan (en)
Seme-alabak	ikusi Mustafa II.a Ahmed III.a Hatice Sultan (en) Şehzade Selim (IV. Mehmed'ın oğlu) (en) Ümmügülsüm Sultan (en) Fatma Emetullah Sultan (en)
Haurrideak	ikusi Suleiman II.a Ahmed II.a Gevherhan Sultan (en)
Leinua	Osmanliar Dinastia
Jarduerak
Jarduerak	Sultana eta agintaria
Sinesmenak eta ideologia
Erlijioa	islama

Avcı, "ehiztaria" bezala ezagutua, aire libreko ariketa eta ehizan eman zuen bere denbora gehiena. Bere erregealdia esanguratsua da otomandar boterearen loratze labur baten ondorioz, nagusiki Mehmet Koprülü Bisir Handi irmo eta zurrunak zuzendua. Köprülük Egeoko uharteak berreskuratu zituen, ordu arte Veneziako Errepublikaren menpe zeudenak, eta Transilvaniako printzerria eta Poloniaren aurka kanpaina arrakastatsuetan borrokatu zuen (1670-1674). Une batean, otomandar inperioa Podolia eta Ukrainara hedatzeko puntuan egon zen.

Bisir berri bat, Kara Mustafa, ez zen hain eraginkorra izan Imre Thökölyren austriarren aurkako matxinada babestuz (1683), Kara Mustafa armada boteretsu batekin joan zen Hungarian zehar eta Viena setiatu zuen Vienako guduan. Kahlenbergeko muinoetan otomandar armada austriarren armada inperialak (Lorenako dukea zen Karlos IV.aren gidaritzapean) eta euren erregea zen Joan III.a Sobieskik gidatutako mendeku gose ziren poloniarrek goitik behera garaitu zuten. Kara Mustafa Belgraden itoa izan zen Mehmed IV.aren aginduz eta bere burua Edirneko antzinako jauregi inperialaren kanpoaldeko zutabe batean jarria izan zen, hau sultanaren tronua salbatzeko nahikoa izan ez zen arren, tronutik kendua eta Edirnen kartzelatua izan zena, bere ehizaleku kuttunetatik gertu, geratzen zitzaizkion sei urteak han emanez bi ohaideekin batera.