Lehenengo Gurutzada

Lehenengo Gurutzada XI. eta XIII. mendeetan zehar Ekialde Hurbila asaldatu zuen kanpaina militarrek, erromesaldi armatuek eta hedapen kolonialak osaturiko Gurutzadak izeneko mugimenduaren lehendabizikoa izan zen.

Lehenengo Gurutzada
Gurutzadak
Antiokiako setioa (1097-1098).
Data	1096 - 1099
Lekua	Ekialde Hurbila
Emaitza	Kristauen garaipena
Gudulariak
Kristauak: Germaniako Erromatar Inperio Santua Genovako Errepublika Lotaringia Proventza Frantziako erresuma Blois Boulogne Flandria Le Puy-en-Velay Vermandois Ingalaterrako Erresuma Normandia Apulia Tarento Bizantziar Inperioa Ziliziako erresuma Bartzelonako konderria Musulmanak: Seliuzidar leinua Danishmendiarrak Fatimatar Kaliferria Almorabideak Abbastar kalifaldia
Buruzagiak
Gilen Embriaco Godofredo Bouillongoa Erramun IV.a Tolosakoa Estefano II.a Bloiskoa Balduino I.a Jerusalengoa Eustakio III.a Boloniakoa Roberto II.a Flandriakoa Ademar Monteilgoa Hugo I.a Vermandoiskoa Roberto II.a Normandiakoa Bohemundo Tarentokoa Tankredo Galileakoa Alexio I.a Komneno Tatikios Erramun II.a Berenguer Kilij Arslan I Yaghi-Siyan Kerbogha Duqaq Fakhr al-Mulk Radwan Ghazi ibn Danishmend Iftikhar ad-Daula Al-Afdal Shahanshah
Indarra
Gurutzatuak: 30.000 oinezko[1] 5000 zaldun[2] Bizantziarrak: 2000 oinezko[2] Ezezaguna

Alexio I.a Komneno bizantziar enperadoreak seljuktar turkiarren aurkako borrokan Urbano II.a aita sainduari laguntza eskatu zionean, honek 1095ean Mendebaldeko Europako erresuma kristau guztiei Lur Santua konkistatzea eskatu zien^[3]. Petri Ermitauak lehendabiziko saiakera egin bazuen ere, Germaniako Erromatar Inperio Santuko eta Frantziako nobleziak zuzenduriko armada bat antolatu eta armada honek aurrera egin ahala, Europan nolabaiteko migrazio masiboa sortu zen ekialderantz. Gurutzatuek Rûmgo Sultanerrian sartu eta hegoalderantz jo zuten, hiri asko konkistatu eta, Fatimatar kalifaldiaren lurraldeetan sartu ondoren, 1099an Jerusalem konkistatu zuten.

Horrela eskualdean Gurutzatuen estatuak sortzeaz gain Bizantziar Inperioak lurralde batzuk berreskuratu zituen^[4]. Mediterranear eskualdean fanatismo erlijiosoa zabaldu zen, aitasantutzak ospea berreskuratuz^[5]. Nazioarteko merkataritza ere bultzatua izan zen.