Gansu

Gansu Txinako ipar-mendebaldean dagoen probintzia da, mugakide Qinghai, Barne Mongolia eta Huangtu goi-lautada ditu. Horrez gain, iparraldean Mongoliarekin eta mendebaldean Xinjiang probintziarekin egiten du muga. Ibai Horiak probintziaren hegoaldea zeharkatzen du.

Probintziak 454.000 kilometro koadroko azalera dauka, eta luralde gehiena itsasoaren mailatik 1.000 baino gehiagora dago, Tibeteko goi-lautada, Barne Mongolia, eta Loess goi-lautadaren artean. Gansun, Txinako erdigune geografikoa dago, eta puntu hori markatzeko monumentu bat dago, 35°50′40.9″I 103°27′7.5″E puntuan. Gobi, Tengger eta Badain Jaran basamortuen zati bat Gansu probintzian daude. Probintziako erliebea oso menditsua da, hegoaldean eta iparraldean dena den, mendiak leundu egiten dira, eta gunerik lauenak kokatzen dira.

Hegoaldeko mendiak, Qilian mendien zati dira, eta 5.547 metroko altuerarekin, Qilian Shan mendia, Gansuko punturik garaiena da.

Gansuk klima lehor kontinentala dauka, uda beroak dira eta neguak oso hotzak. Prezipitazio gehienak uda garaian jausten dira Txina guztian gertatu bezala, eta urtean zehar nekez jausten da 500mm euri baino gehiago. Gansuko gunerik lehorrenetan, Gobi basamortuan esaterako, kopuru hori are baxuagoa da, eta 200mm baino gutxiago jausten dira urtean zehar.

Gansu probintziako gobernadorea Xu Shousheng da. Txinako Alderdi Komunistak probintzian duen ordezkaria Lu Hao da.

•  
  Bingling Tenplua (Lanzhou), Gizateriaren Ondarea.
•  
  Zhangye Danxia geoparkea.
•  
  Labrang monasterioa.
•  
  Jiayuguan gotorlekua (Jiayuguan).
•  
  Mogao leizeak (Dunhuang).
•  
  Maijishan leizeak (Tianshui).
•  
  Xiguan meskita, (Lanzhou).
•  
  Leitai hilerria (Wuwei).
•  
  Duna abeslariak (Dunhuang).

• (Txineraz) Gansu probintziako gobernuaren webgunea.

Artikulu hau Txinako geografiari buruzko zirriborroa da. Wikipedia lagun dezakezu edukia osatuz.