Pierre Werner

Pierre Werner
Irudi gehiago
21. Luxemburgeko lehen ministro 1979ko uztailaren 16a - 1984ko uztailaren 20a ← Gaston Thorn - Jacques Santer → 19. Luxemburgeko lehen ministro 1959ko martxoaren 2a - 1974ko ekainaren 15a ← Pierre Frieden - Gaston Thorn →
Bizitza
Jaiotza	Lille, 1913ko abenduaren 29a
Herrialdea	Luxenburgo
Heriotza	Luxenburgo, 2002ko ekainaren 24a (88 urte)
Familia
Seme-alabak	ikusi Jean Werner (en)
Hezkuntza
Heziketa	Parisko Unibertsitatea Parisko Ikasketa Politikoetako Institutua
Hizkuntzak	frantsesa
Jarduerak
Jarduerak	politikaria, diplomazialaria, ekonomialaria eta abokatua
Jasotako sariak	ikusi Grand Cross of the Order of the Oak Crown Gizarte Zientzietako Asturiasko Printzesa Saria  (1998) Robert Schuman Domina  (1987) Grand Cross 1st class of the Order of Merit of the Federal Republic of Germany  (1959) Ohorezko Legioko gurutze handia  (1970eko maiatza) Knight Grand Cross of the Order of the Falcon  (1969ko abuztua) [[]]  (1994ko irailaren 29a)
Sinesmenak eta ideologia
Erlijioa	Erromatar Eliza Katolikoa
Alderdi politikoa	Christian Social People's Party (en)

Pierre Werner (Saint-André-lez-Lille, Frantzia, 1913ko abenduaren 29a - Luxenburgo, 2002ko ekainaren 24a) luxenburgotar politikaria izan zen. 1970ean Europako Ekonomia eta Diru Batasunaren oinarriak ezarri zituzten adituen batzordeko lehendakaria izan zen. Orduko eta geroko lan eta ekarpenak ezagutuz, Gizarte Zientzietako Asturiasko Printzea saria jaso zuen 1998an.

Pierre Wernerrek zuzenbide eta zientzia politikoko ikasketak egin zituen. 1938an Luxenburgoko Banku Nagusian legelari gisa hasi zen lanean, eta 1944an zuzendari-idazkaritza lortu zuen. 1945ean Banketxeak Kontrolatzeko komisario izendatu zuten. 1953tik 1974ra bitartean, Luxenburgoko koalizio-gobernu desberdinetan, zenbait kargu izan zituen: Ogasuneko eta Barne Arazoetako ministro (1954); estatu ministro, lehen ministro, Kanpo Arazoetako ministro, Justizia eta Altxorraren ministro (1964); estatu ministro, lehen ministro, Ogasuneko ministro (1969). 1968ko hauteskundeez gero, gobernuburu izan zen, 1974. urtera arte. 1970eko urrian, Europako Ekonomia Erkidegoaren aurrean, Europako Ekonomia eta Diru Batasunerako bidean eman beharreko urratsak biltzen zituen txostena aurkeztu zuen. Dokumentua 1979an onartu zen, Werner Plana izenarekin. Planak batasuna hiru alditan lortzea proposatzen zuen, hamar urteko epean. Luxenburgoko barruko politikari dagokionez, Gaston Thornen gobernuaren ondoren (1974-1979), Pierre Wernerrek irabazi zituen hauteskundeak, eta 1979an gobernuko lehendakaritza, Estatu Ministerioak, Herri Administrazioko Ministerioa eta beste zenbait ministerio eskuratu zituen, harik eta 1984ko uztailean Jacques Santerrek haren lekua hartu zuen arte. 1985etik 1987ra bitartean, Luxenburgoko Telebista Konpainiako Administrazio Batzordeko lehendakari izan zen. 1989tik 1996ra bitartean, Europako Satelite Elkarteko lehendakari izendatu zuten. 1998ko ekainean Gizarte Zientzietako Asturiasko Printzea saria jaso zuen, Europako Batzordeko lehendakari Jacques Santer luxenburgotarrarekin batera, «euroaren aitatasuna» aitortu zitzaielarik.