Trichechus

Trichechus
Irudi gehiago
Sailkapen zientifikoa
Erreinua	Animalia
Filuma	Chordata
Klasea	Mammalia
Ordena	Sirenia
Familia	Trichechidae
Generoa	Trichechus Linnaeus, 1758
Banaketa mapa
Datu orokorrak
Gizakiak ateratzen dizkion produktuak	manatee skin (en)

Trichechus Sirenia ordenako trikekidoen familiako (Trichechidae) genero bakarra da, lau espezie baino ez dituena: manatiak. Uretako ugaztunak dira.

Herbiboro lasaiak dira, orduak eta orduak ematen dituztenak ibaietako eta itsasoetako ur azaletako landareak bilatzen eta jaten. Ur gezetan nahiz gazietan bizi dira, Amerikako eta Afrikako kosten inguruetan. Gizakia dute haien harrapakari bakarra; haragiagatik eta gantzagatik ehizatuak izan dira, baina gaur egun espezie babestuak dira.

Manati izena, Karibeko hizkuntzan, «ugaztun» esan nahi du.

300-500 kg bitartekoak dira, eta 3-4,5 m luzeak izaten dira. Gorputza grisa da, eta tolestura arrosak dituzte. Dugongidoek ez bezala, isats zapal horizontala dute, espatula-formakoa, eta ez ilargierdi-formakoa.

Landare-espezie asko jaten dituzte. Jateko, goiko ezpaina erabiltzen dute, erdibitua baitago. Manati heldu batek 50 kg belar jan ditzake egunean. Antilletako manatiek arrantzaleen sareetan harrapatutako arrainak ere jaten dituzte.

2-5 urtez behin, emeak kume bakarra izaten du. 35 bat kg pisatu ohi du jaiotzean, eta 90-120 cm luze izaten da. Amaren mendekoa da erabat, eta gutxienez bi urte ematen ditu amaren ondoan. Amak bakarrik zaintzen du kumea. Lau urte behar dituzte helduarora iristeko, eta 80 urte bizi daitezke.

• Trichechus manatus - manati karibearra
• Trichechus senegalensis - manati afrikarra
• Trichechus inunguis - manati amazoiarra
• Trichechus bernhandi - manati nanoa

• Mendiburu, Joana, Manatiak, ingurumenaren egoeraren adierazleak, mehatxupean, zientzia.eus