Lymango gudua

Lymango gudua
Ukrainako inbasioa (2022)
Lyman inguruko egoera, 2024ko azaroaren 30an.
Data	2022ko maiatzak 23 – maiatzak 27
Lekua	Lyman, Donetsk Oblasta (Ukraina)
Koordenatuak	48°59′N 37°48′E / 48.98°N 37.8°E / 48.98; 37.8
Egoera	Errusiak irabazi[1][2][3][4][5]
Gudulariak
Donetskeko HE  Errusia  Ukraina  Donetskeko oblasta
Buruzagiak
ezezaguna Oleksandr Zhuravlov[6][oh 1]
Indarra
Errusiako Indar Armatuak Errusiako Lurreko Indarrak Guardiako Tankeen 1. Armada Guardiako Tankeen 90. Dibisioa[7] Guardiako Errifle Motordunen 144. Dibisioa[8] Guardiako Banatutako Errifle Motordunen 15. Brigada[7] 24. Spetznaz Brigada[7] Ukrainako Indar Armatuak Ukrainako Lurreko Indarrak Lurralde Defentsako Indarrak Ukrainako Aire Erasoko Indarrak Aire Erasoko 79. Brigada[7] Aire Erasoko 81. Brigada[9] Aire Erasoko 95. Brigada[7]
Galerak
ezezaguna >100 soldadu hil; 200–300 soldadu harrapatu[7]  Errusiaren arabera:[10][11][12] 500 soldadu harrapatu

Lymango gudua 2022ko Ukrainako inbasioan zehar izandako gudu militar bat izan zen, Ekialdeko Ukrainako erasoaldiaren parte den Donbasseko guduaren baitan gertatutakoa eta Lyman hiriaren kontrola helburu zuena.

AEBetan oinarritutako Gerraren Azterketarako Institutuaren arabera zein Ukrainako Presidentearen aholkulariaren arabera,^[2] gudua 2022ko maiatzaren 27an amaitu zen, Errusiak hiri-kontrola lortu zuenean.^[1] Hala ere, Ukrainako Defentsa Ministerioak ukatu egin zuen informazio hori, hiria maiatzaren 27rako hirian ukrainar erresistentzia jarraitzen zuela esanez.^[2] Bestalde, Errusiak eta Errusiak babestutako indar separatistek beren aldetik iragarri zuten hiri-kontrola maiatzaren 27 eta 28an, hurrenez hurren.^[2][3] Azkenean, maiatzaren 30ean onartu zuen Ukrainak hiri-kontrolaren galera.^[4][5]

Hiria trenbide-korapilo garrantzitsu bat da. Gainera, Donets ibaiaren ekialdeko ibaiertzean dago kokaturik, bai eta ibaia zeharkatzen duten zubiak kontrolatzen ditu ere.^[13]

Errusiar inbasioa hasi eta hilabetera, Errusiak Luhanskeko Oblastaren %93a kontrolatzen zuela esan zuen,^[14] Sievierodonetsk eta Lysytxansk ukrainar gune estrategikoki garrantzitsu bakar gisa geratuz. Errusiaren planak, Sievierodonetsk harrapatze-inguruan, honen aldirietan kokatutako Rubizhne –iparraldean– eta Popasna hirietan –hegoaldean– izandako arrakastaren araberakoak ziren.^[15] Apirilaren 6rako, errusiar indarrek Rubizhneren %60a harrapatu omen zuten,^[16] obusak eta misilak Sievierodonetsken erortzen ari ziren bitartean, "tarte erregular eta iraunkorretan".^[17] Biharamunean, Mendi Erasoko 128. Brigadako indar ukrainarrek erasoaldi bat egin zuten, errusiar indarrak Kreminnatik 6–10 kilometrora urrunduz, inguruko beste herrietako bat. Jakinarazi zenez, errusiar indarrek Rubizhne eta inguruko Voievodivka herria bereganaturik zituzten maiatzaren 12rako.^[18]

Lyman hiriaren hegoaldean, bestalde, Donets ibaia zeharkatzeko hainbat saiakera egon ziren;^[19] hala, azken saiakera-zubia, Bilohorivka eta Serebryanka artean eraiki zuten, maiatzaren 12 inguruan. Halere, pontoi-zubi hau ere suntsitu ere egin zuten. Ondorioz, azken Errusiako tropak maiatzaren 13an erretiratu ziren bertatik, 400–485 hildako eta zauritu jaso ostean.^[20][21] 

Errusiako Indarrek eraso-operazioak areagotu zituzten Lyman inguruan; hala, irabaziak lortu zituzten maiatzaren 23rako. Baieztatu gabeko informazioak zioenez, Errusiako Indarrek eraso bat hasi zuten Lymanen iparraldean eta hiriaren kontrol partziala, gutxienez, hartuz maiatzaren 23tik aurrera.^[22] Errusiako Indarrek, gainera, artilleria-erasoak areagotu zituzten Avdiivkaren aurka; gainera, litekeena zen inguruko Novoselivka herria hartu izana, Avdiivkan aurrera egiteko aprobetxagarri litekeena, bai eta Slovyansk aldera ere, autobiderako sarbidea lortzeko.^[23]

Lymango eremuan, errusiarrek bere barneratze-eremua areagotu zuten hurrengo egunean, hirigunerantz, hiri barneko kale-borrokak hasiz. Artilleriaren eta hegazkintzaren laguntzarekin, maiatzaren 25ean, Errusiako Indarrek Lymango kokagunearen aurkako erasoarekin jarraiatu zuten, hiriko lurraldearen %70a inguru okupatuz. Ukrainako Indarrak hiriko hegoaldeko asentamenduetara erretiratu ziren, non erresistentzia gogorra eskaini zuten; bestalde, Ukrainako beste soldadu batzuk, hiri-setioan zehar errenditu ziren.^[24]

Zibilen azken ebakuazioa egin eta geratzea erabaki zutenei janaria utzi ostean, azken ukrainiar indarrek Lyman ebakuatu zuten maiatzaren 26ko arratsaldean, atzean utzi zuten azken zubia lehertuz.^[25] Egun berean, Oleksii Arestovytx-ek, Ukrainako Presidentetzarako kontseilariak, hiria Errusiaren esku geratu zela baieztatu zuen,^[2] bai eta ISWk ere.^[1]

Hala ere, hurrengo egunean, Ukrainako Defentsa Ministerioak adierazi zuen hiri-kontrolerako borroka oraindik abian zela, bai eta adierazi zuen indar ukrainarrek hego-mendebaldeko eta ipar-ekialdeko barrutiak mantentzen jarraitzen zutela.^[2] Beste funtzionario ukrainar batzuek, bestalde, onartu zuten Lyman gehiena, hiri-erdialdea barne, Errusiaren kontrolpean zegoela.^[26] Gainera, Erresuma Batuak ere ebaluatu zuen hiriaren zati handiena Errusiaren kontrolpean geratu zela maiatzaren 27rako.^[13] Errusiak babestutako indar separatistek zein militar errusiarrek beren garaipena aldarrikatu zuten maiatzaren 27an zein 28an.^[3][27] Azkenean, maiatzaren 30eko lehen orduetan, militar ukrainarrek Errusiako Indarren hiri-kontrola onartu eta Slovianskerako eraso bat prestatzen ari zirela iragarri zuten.^[4][5]