Europako Errugbi Txapeldunen Kopa

Europako Errugbi Txapeldunen Kopa European Rugby Champions Cup Coupe d'Europe de rugby à XV
Antolatzailea	European Professional Club Rugby
Sorrera	1995-96 (Heineken Kopa) 2014-15 (Txapeldunen Kopa)
Eremua	Eskozia  Frantzia  Gales  Ingalaterra  Irlanda  Italia  Hegoafrika (2022-23ko denboralditik aitzina)  Errumania (1995-96ko denboraldian bakarrik)
Taldeak	24
Garaipen gehien	Stade Toulousain (6 Kopa)
Txapelduna	Stade Toulousain (2024)
Webgunea	www.epcrugby.com

Europako Errugbi Txapeldunen Kopa (ingelesez: European Rugby Champions Cup; frantsesez: Coupe d'Europe de rugby à XV) urteroko errugbi txapelketa da, European Professional Club Rugby.k antolatzen duena. Europako kluben arteko txapelketa gorena da, eta Sei Nazioetako (Eskozia, Frantzia, Gales, Ingalaterra, Italia eta Irlanda) eta Hegoafrikako taldeek parte hartzen dute.^{[oh 1]}

1990eko hamarkadan errugbia kirol profesionala bilakatu zen, eta kirol honen arduradunek taldeen arteko nazioartekoa izango zen lehiaketa baten beharra ikusi zuten. 1995-96 denboraldian abiarazi zuten, European Rugby Cup-ek antolaturik eta Heineken Herbehereetako garagardo etxearen babesarekin. Frantzia, Gales, Irlanda, Italia eta Errumaniako taldeek parte hartu zuten lehenbiziko edizio hartan.

1999-2000 denboralditik aitzina, 24 talderen artean jokatzen hasi zen Heineken Kopa, Txapelketan aritzeko aukerak herrialdeka banatzen ziren. Frantziako sei taldek zuten aukera, eta Ingalaterrako ligetako beste seik. Italiako bi taldek eta Eskoziako beste bik. Azken sei lekuak irlandarren eta galestarrentzat ziren, eta Heineken Kopako eta Europako Challengeko txapeldunek ere parte hartzeko aukera zuten.^[1]

Frantziako eta Ingalaterrako taldeak ez zeuden ados Heineken Koparen formatu eta osaketarekin. Alde batetik, lehiaketako talde kopurua 24tik hogeira murriztu nahi zuten, lehiakortasuna "handiagoa" izan zedin. Bestetik, banaketa sistema aldatu nahi zuten: jokatzeko aukera herrialdeka banatu ordez, liga profesionalen arabera banatzea nahi zuten.^[1]

Ingelesen eta frantziarren asmoek ez zuten gainerakoen adostasuna lortu eta, ondorioz, Heineken Kopa berritzeko akordioa egiteke egon zen.^[1] Azkenik, bi urteko negoziazioen ostean, Europako Errugbi Txapeldunen Kopa sortzeko adostasuna erdietsi zuten, European Professional Club Rugby (EPCR) erakundeak antolaturik.

2018ko finala Bilbon jokatu zen, San Mames zelaian.^[2] Irlandako Leinster Rugby taldeak irabazi zuen, Racing 92 15 eta 12 garaiturik.

2020 martxoan, COVID-19 pandemiaren erruz, lehiaketa eten zen. Kanporaketa fasea udazkenean jokatu zen, eta finala urriaren 17an.^[3]

2014 arte

24 talde aritzen ziren, eta parte hartzeko txartelak Sei Nazioetako herrialdeen artean banatzen ziren:^[4]:

•  Ingalaterra: 6 talde
•  Frantzia: 6 talde ( Euskal Herria eta  Katalan Herriak barne)
•  Irlanda: 3 talde
•  Gales: 3 talde
•  Eskozia: 2 talde
•  Italia: 2 talde

Azken bi lekuak aurreko urteko Heineken Kopako eta Europako Challengeko txapeldunentzat ziren.

2014tik aitzina

20 talde aritzen dira, honako era honetan aukeratuak:

• Ingalaterrako errugbi txapelketako 6 talde
• Frantziako errugbi txapelketako 6 talde
• United Rugby Championshipeko 7 talde

20. taldea erabakitzeko kanporaketa bat da jokatzen da.

Urtea	Txapelduna	Emaitza	Txapeldunordea
1996	Stade Toulousain	21-18	Cardiff
1997	Brive	28-9	Leicester Tigers
1998[5]	Bath	19-18	Brive
1999	Ulster	21-6	Colomiers
2000	Northampton Saints	9-8	Munster
2001	Leicester Tigers	34-30	Stade Français Paris
2002	Leicester Tigers	15-9	Munster
2003	Stade Toulousain	22-17	USA Perpinyà
2004	London Wasps	27-20	Stade Toulousain
2005	Stade Toulousain	18-12	Stade Français Paris
2006	Munster	23-19	Biarritz Olympique
2007	London Wasps	25-9	Leicester Tigers
2008	Munster	16-13	Stade Toulousain
2009	Leinster	19-16	Leicester Tigers
2010	Stade Toulousain	21-19	Biarritz Olympique
2011	Leinster	33-22	Northampton Saints
2012	Leinster	42-14	Ulster
2013	Toulon	16-15	Clermont Auvergne
2014	Toulon	23-06	Saracens
2015	Toulon	24-18	Clermont Auvergne
2016	Saracens	21-9	Racing 92
2017	Saracens	28-17	Clermont Auvergne
2018	Leinster	15-12	Racing 92
2019	Saracens	20-10	Leinster
2020	Exeter Chiefs	31-27	Racing 92
2021	Stade Toulousain	22-17	Stade Rochelais
2022	Stade Rochelais	24-21	Leinster
2023	Stade Rochelais	27-26	Leinster
2024	Stade Toulousain	31-22	Leinster

Taldea	Garaipenak	Urteak
Stade Toulousain	6	1996, 2003, 2005, 2010, 2021, 2024
Leinster	4	2009, 2011, 2012, 2018
Toulon	3	2013, 2014, 2015
Saracens	3	2016, 2017, 2019
Leicester Tigers	2	2001, 2002
London Wasps	2	2004, 2007
Munster	2	2006, 2008
Stade Rochelais	2	2022, 2023
Brive	1	1997
Bath	1	1998
Ulster	1	1999
Northampton Saints	1	2000
Exeter Chiefs	1	2020

Herrialdea	Garaipenak	Finalistak
Frantzia	12	13
Ingalaterra	10	5
Irlanda	7	7
Euskal Herria	0	2
Gales	0	1
Katalan Herriak	0	1

Stade Toulousain 6 Kopa	Leinster Rugby 4 Kopa	RC Toulonnais 3 Kopa	Saracens FC 3 Kopa

Biarritz Olympique izan da euskal talde bakarra Europako Errugbi Txapeldunen Kopan aritu izan dena, eta emaitza bikainak lortu ditu.

• Parte hartzeak: 12 denboralditan, horietatik 11 jarraian (2000-01 denboralditik, 2010-11 denboraldira)
  • Txapelduna (0)
  • Txapeldunordea (2): 2006 eta 2010.
  • Finalerditan (2): 2004 eta 2005.
  • Final laurdenetan (3): 2001, 2003 eta 2007.

2018eko maiatzaren 12an	Leinster	15 – 12	Racing 92	San Mames, Bilbo Ikusleak: 52.282 Epailea: Wayne Barnes
	zigor kolpeak: Johnny Sexton (16', 38', 53') Isa Nacewa (73', 78')		zigor kolpeak: Teddy Iribaren (3', 21', 44', 70')