Moherreko Amildegiak: berrikuspenen arteko aldeak

Moherreko Amildegiak (ingelesez Cliffs of Moher eta gaeleraz Aillte an Mhothair, literalki "hondamendiaren amildegiak") The Burren eskualdeko hegomendebaldeko mugan daude, Irlandako Errepublikako Clareko konderriko Liscannor, Doolin eta Lahinch udalerrietatik hurbil.

Amildegiak, Hag's Head deritzon tokian, Ozeano Atlantikoaren gainetik 120 metrora altxatzen dira eta zortzi kilometro luzez hedatzen dira, 214 metroko altuerara iritsi arte.

O'Brienen Dorrea (O'Briens Tower), gutxi gora-behera, amildegien erdian dagoen harrizko dorre zirkular bat da. 1835ean Sir Cornellius O'Brienek eraiki zuen, garai hartan ere, toki hartara joaten ziren ehundaka turistentzako behatoki izan zedin. Talaiaren tontorretik itsarountz so eginda, Aran Uharteak eta Galway badia daude, eta egun garbiz, atzean, Connemara eskualdea eta Maumturk mendiak ere ikus daitezke.

Amildegiak, atrakzio turistiko azpimarragarriak dira, horren ondorioz, bertan bisitagunea eta geltokigunea daude. Amildegiak kostaldean barna eta euren luzera osoan zeharkatzen dituen bidezidor bat ere badago.

1987ko The Princess Bride (Printzesa Emaztegaia) filmean "Erokeriaren Amildegiak" (Cliffs of Insanity) izenez agertzen dira.

• 
  O'Brienen dorrea.
• 
  200 metroko amildegia.
• 
  Amildegiak itsasotik ikusita
• 
  Eskualdeko arrazako Bilberry akerrak.
• 
  Branaunmore itsas harkaitza
• Moherreko itsaslabarrak hegoalderuntz begiratuta
  Moherreko itsaslabarrak hegoalderuntz begiratuta
• 
  O'Brienen dorreaz gain dagoen ikuspegi panoramikoa.

Wikimedia Commonsen badira fitxategi gehiago, gai hau dutenak: Moherreko Amildegiak

• Moherreko Amildegien webgunea (Ingelesez)