Trindada petrelo
La Trindada petrelo, Pterodroma arminjoniana, (aŭ Heralda petrelo, kiel ĝi estas konata en Ameriko) estas specio de marbirdo kaj membro de la burdopetreloj. Tiu birdo estas 35–39 cm longa kun enverguro de 88–102 cm.
 | ||||||||||||
|---|---|---|---|---|---|---|---|---|---|---|---|---|
 Trindada petrelo
| ||||||||||||
| Biologia klasado | ||||||||||||
| ||||||||||||
| Pterodroma arminjoniana (Giglioli & Salvadori, 1869) | ||||||||||||
| Konserva statuso | ||||||||||||
 | ||||||||||||
Aliaj Vikimediaj projektoj
| ||||||||||||
La petrelo havas variajn kolormorfojn: kaj hela kaj malhela, same kiel intermezajn inter ambaŭ. Estas du separataj populacioj, unu en suda Pacifiko, foje vidita en Havajo; la alia en suda Atlantiko, nestumanta ĉe Brazilo, kun regulaj vidaĵoj en la Golfa Marfluo ĉe sudorienta Usono. La malmulte konata Pacifika subspecio Pterodroma (arminjoniana) heraldica povus esti distinga specio (konfuze nomata ankaŭ Heralda petrelo). Ili uzas oceanajn insulojn kaj atolojn, nestumante sur klifokornicoj, fendoj aŭ rokaj deklivoj. Sur kelkaj insuloj, nestumantaj birdoj estas minacataj de sovaĝiĝintaj katoj kaj ratoj.
Pro pliiĝanta habitatoperdo kaj malgranda reprodukta teritorio, tiu specio estis taksita kiel Vundebla ĉe la IUCN Ruĝa Listo de Minacataj Specioj.
Maje de 2007, Heralda petrelo ringita en Insulo Raine en 1984, estis observita ĉe la marbordo de Maŭricio en la Hinda Oceano. Tio ege ampleksigis la konatajn vivodaŭron kaj teritorion de la specio.
Ankaŭ oni ĵus identigis kiel de tiu specio ekzempleron antaŭ identigita nur kiel de specio de la genro Pterodroma, nome reproduktanta sur la insulo Round, 22 km norde de Maŭricio, en la Hinda Oceano.[1]
Referencoj
redakti- ↑ Brown, R. M.; Jordan, W. C. (2009). “Characterization of polymorphic microsatellite loci from Round Island Petrels (Pterodroma arminjoniana) and their utility in other seabird species”, Journal of Ornithology 150, p. 925–929.
Literaturo
redakti- BirdLife International (2012). Pterodroma arminjoniana. Internacia Ruĝa Listo de Endanĝeritaj Specioj. Versio 2012.2. Internacia Unio por la Konservo de Naturo. Elŝutita 09a Januaro 2013.
- "National Geographic" Field Guide to the Birds of North America ISBN 0-7922-6877-6
- Seabirds, an Identification Guide de Peter Harrison, (1983) ISBN 0-7470-1410-8
- Handbook of the Birds of the World Vol 1, Josep del Hoyo editor, ISBN 84-87334-10-5
- "National Audubon Society" The Sibley Guide to Birds, de David Allen Sibley, ISBN 0-679-45122-6
Eksteraj ligiloj
redakti- BirdLife Species Factsheet Arkivigite je 2009-01-03 per la retarkivo Wayback Machine
- IUCN Ruĝa Listo