Theo van Gogh

Eble vi serĉis komerciston Theo van Gogh.

Theo van GOGH [Teo van Ĥoĥ] (la 23-a de julio 1957 - la 2-a de novembro 2004) estis nederlanda reĝisoro, televidisto kaj kolumnisto. Van Gogh estis konata nerasista kritikanto de islamo. La konata pentristo Vincent van Gogh estis prapraonklo lia.

Theo van Gogh
Persona informo
Naskiĝo	23-an de julio 1957 (1957-07-23) en Hago
Morto	2-an de novembro 2004 (2004-11-02) (47-jaraĝa) en Amsterdamo
Mortis pro	Hommortigo vd
Mortis per	Pafvundo kaj pikvundo vd
Mortigita de	Mohammed Bouyeri vd
Religio	ateismo vd
Lingvoj	nederlanda vd
Ŝtataneco	Reĝlando de Nederlando vd
Alma mater	Universitato de Amsterdamo Montessori Lyceum Amsterdam (en) vd
Familio
Patro	Johan van Gogh vd
Patrino	Anneke van Gogh vd
Infanoj	Lieuwe van Gogh (en) vd
Parencoj	Theo van Gogh (en) (patra onklo) Henk Vonhoff (en) (onklo) vd
Profesio
Okupo	televida prezentisto televida reĝisoro radio-prezentisto filmaktoro ĵurnalisto televida produktoro televida aktoro filmmuntisto aktivulo aŭtoro blogisto prezentisto kolumnisto programdirektisto scenaristo filmreĝisoro filmproduktoro aktoro verkisto reĝisoro vd
Aktiva dum	1982–2004 vd
Verkado
Verkoj	Submission vd
Honorigoj Honorigoj (2005)  Golden Calf Special Jury Prize (en) (2003)  Golden Calf for Best Television Drama (en) (1997)  Golden Calf for Best Television Drama (en) (1996)  Golden Calf for Best Director (en) vd
En TTT	Oficiala retejo vd
vd	Fonto: Vikidatumoj
v • d • r

Van Gogh naskiĝis en Hago. Post ĉeso de sia studo pri juro li iĝis reĝisoro. Lia debuto estis Luger (1981). Pro la filmoj Blind Date kaj In het belang van de staat li ricevis Oran Bovidon, la plej gravan nederlandan filmpremion. Kiel aktoro li rolis interalie en De noordelingen (1992). Krome li laboris por televido kaj verkis provokemajn kolumnojn.

Unu el la lastaj filmoj kiujn faris Van Gogh estis Submission, provokocela mallonga filmo laŭ scenaro de liberala somalidevena parlamentanino Ayaan Hirsi Ali pri turmentado de virinoj en islama kulturo. Ĝi vidigas torturitajn virinojn en travideblaj vestaĵoj; arabaj tekstoj el la Korano kiuj estas negativaj por virinoj estas kaligrafitaj sur ilia haŭto. Post la elsendo de la filmo televide, ambaŭ Van Gogh kaj Hirsi Ali ricevis mortminacojn.

Antaŭ sia morto li sin okupis pri filmo pri murdita nederlanda politikisto Pim Fortuyn.

Van Gogh murdiĝis per sep pafoj kaj du tranĉpikoj matene je la 2-a de novembro 2004 en homplena strato en la centro de Amsterdam. La poste kondamnita murdinto estis 26-jara amsterdamano kun nederlanda-marokana civitaneco ligita je terorismaj organizaĵoj.