Okulvitreca kormorano
La Okulvitreca kormorano aŭ Palasa kormorano (Phalacrocorax perspicillatus[1]) estas formortinta birdospecio de la familio de kormoranoj nome marbirdoj kiu loĝis en Bering-insulo kaj eble ĉe aliaj lokoj en la Komandorski-insularo kaj najbara marbordo de Kamĉatko.[2] Ĝi estas la plej granda specio de kormorano konata kiel ekzistinta.
 | ||||||||||||||
|---|---|---|---|---|---|---|---|---|---|---|---|---|---|---|
 Okulvitreca kormorano, ilustraĵo de Joseph Wolf
| ||||||||||||||
| Biologia klasado | ||||||||||||||
| ||||||||||||||
| Phalacrocorax perspicillatus (Pallas, 1811) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Aspekto
redaktiTiu specio estis unuafoje identigita de Georg Steller en 1741 dum la katastrofa dua ekspedicio de Vitus Bering al Kamĉatko. Li priskribis la birdon kiel granda, mallerta kaj preskaŭ nefluga – kvankam ĝi estis pli probable malpreta flugi ol fizike malkapabla – kaj verkis "ili pezis 12–14 funtojn, kaj tiele ununura birdo sufiĉas por tri malsataj homoj." Kvankam kormoranoj estas kutime konsiderataj malbongustaj, Steller diras, ke tiu birdo bongustegas, partikulare kiam ĝi estis kuirita laŭ la sistemo de la indiĝenaj Kamĉadaloj, kiuj enmetis la tutan birdon en argilo, enterigis ĝin kaj bakis ĝin en varma truo.[3]
Formorto
redaktiKrom la fakto ke ili manĝis fiŝojn, apenaŭ neniom oni scias pri tiu birdo. La populacio rapide malpliiĝis post vizitantoj al la areo ekkolektis la birdojn kiel manĝo kaj por la plumoj, kaj ties informoj pri profita balenokomerco kaj grandaj populacioj de Arkta vulpo kaj aliaj animaloj kun valoraj haŭtaĵoj kondukis al amasa alveno de balenĉasistoj kaj haŭtokomercistoj al la regiono; la lastaj birdoj ŝajne vivis ĉirkaŭ 1850 ĉe insuleto Rokaĵo Arij (en rusa Арий Камень)[4]), ĉe la nordokcidenta pinto de la Beringa Insulo.
Supozata prahistoria registro el Amĉitko, Alasko (Siegel-Causey et al., 1991), estas bazata sur misidentigo de restoj de Dukresta kormorano (Olson, 2005).
Referencoj
redakti- Olson, Storrs L. (2005): Correction of erroneous records of cormorants from archeological sites in Alaska. Condor 107(4): 930-933. DOI 10.1650/7818.1 (HTML resumo)
- Siegel-Causey, D.; Lefevre, C. & Savinetskii, A. B. (1991): Historical diversity of cormorants and shags from Amchitka Island, Alaska. Condor ' 93(4): 840–852. PDF plena teksto Arkivigite je 2011-06-14 per la retarkivo Wayback Machine
Notoj
redakti- ↑ Phalacrocorax, Antikva greka vorto por kormoranoj (laŭvorte "kalva korako"). perspicillatus, Latina por "okulvitra", alude al la rimarkindaj ĉirkaŭokulaj nudaj haŭtaĵoj.
- ↑ IUCN2010.4 BirdLife International, 2008, 144628, Phalacrocorax perspicillatus, konsultita 05an Marto 2011
- ↑ Ellis, Richard. (2004) No Turning Back: The Life and Death of Animal Species. Nov-Jorko: Harper Perennial, p. 135. ISBN 0-06-055804-0.
- ↑ Arij Kamen'. Ofte misliterumita "Aji Kamen" aŭ eĉ "Aii Kimur".
Eksteraj ligiloj
redakti- 3D vido Arkivigite je 2014-12-02 per la retarkivo Wayback Machine de specimeno RMNH 107.865 ĉe Naturalis, Leiden (postulas serĉilon QuickTime).