Mostafa Moin
Mostafa MOIN (perse مصطفی معین; naskiĝis la 1-an de aprilo 1951, Naĝafabad, Irano) estas irana politikisto.
| Mostafa Moin perse مصطفی معین | |||||
|---|---|---|---|---|---|
| |||||
| Persona informo | |||||
| Naskiĝo | la 1-an de aprilo 1951 en Naĝafabad, Irano | ||||
| Ŝtataneco | Irano  vd
| ||||
| Alma mater | Ŝiraza universitato | ||||
| Partio | Islama Irana Partoprena Fronto vd
| ||||
| Profesio | |||||
| Okupo | politikisto kuracisto vd
| ||||
| |||||
| En TTT | La oficiala blogo farsi | ||||
| vd | Fonto: Vikidatumoj | ||||
En 1969, post finlerno de mezlernejo en Esfahano, li estis akceptata en medicinan lernejon de la Ŝiraza universitato kaj post la venko de la irana revolucio laboris en tiu ĉi universitato. En komenco de la Iraka-Irana milito Moin iris al fronto kiel feldŝero (antaŭkuracisto). Printempe 1981 li estis elektita la rektoro de la Ŝiraza universitato kaj okupis tiun postenon dum du jaroj.
Ministro kaj deputito
redaktiEn 1982 li gajnis parlamentan balotadon en Ŝirazo kaj iĝis deputito de la meĝliso. Moin estis ministro pri kulturo kaj alta edukado en la registaro de prezidanto Ali Akbar Haŝemi Rafsanĝani (1989-1993) kaj tiu de Mohammad Ĥatami (2000-2003). Dufoje li eksiĝis: en julio 1999, post la studenta protestado kaj en julio 2003.
Kandidato por prezidanto
redaktiMoin partoprenis la prezidantan balotadon de 2005 kaj estis konsiderata unu el ĉefaj rivaloj de Ali Rafsanĝani. Li same pledis por liberigo de ekonomio, plialtigo de sociaj garantioj, normaligo de rilatoj kun Usono kaj Eŭropa Unio kaj defendo de homaj rajtoj. Komence li ricevis rifuzon pri kandidatiĝo kaj akuzis potencojn pri intenca varmigo de antaŭbalota atmosfero en la lando. Antaŭ la voĉdonado la irana novaĵagentejo IRNA okazigis opinisondon, laŭ kiu Moin devus ricevi 18,3 % kaj okupi la trian lokon.[1] La 17-an de junio li ricevis 4 095 827 voĉoj (13,93 %) kaj ne pluiris al la dua voĉdoncirklo, okazinta la 24-an de junio. Li alvokis siajn subtenantojn voĉdoni por Rafsanĝani.[2]
Referencoj
redakti- ↑ Куртов А. Иранский гамбит[rompita ligilo] ruse
- ↑ Мостафа Моин: Я отдам свой голос Хашеми-Рафсанджани[rompita ligilo] ruse