Marŝalo de Francio

La Marŝalo de Francio (france Maréchal de France, plurale Maréchaux de France) estas milita distingo, pli ol militista rango, en nuntempa Francio, kiun ricevas kiel premion generaloj pro esceptaj atingoj. La titolo estas uzata ekde 1185, kvankam dum mallonga periodo abolita (1793–1804) kaj dum alia mallonga periodo neuzita (1870–1916) dum preskaŭ jarmilo de sia ekzisto. Ĝi estis unu el la titoloj por Grands officiers de la couronne de France (grandaj oficiroj de la krono de Francio) dum la Ancien Régime kaj dum la Burbona Restaŭrado kaj unu el titoloj por "la Grandaj Dignuloj de la Imperio" dum la Unua Franca Imperio (kiam la titolo ne estis "Marŝalo de Francio" sed "Marŝalo de Imperio").

Marŝalo de Francio montras sep stelojn. La marŝalo ricevas ankaŭ bastonon, nome bluan cilindron kun steloj (kun lilifloroj dum la monarkio kaj kun agloj dum la Unua Franca Imperio). Ĝi havas la Latinlingvan surskribon: Terror belli, decus pacis, kio signifas "teroro en milito, ornamo en paco."

Inter la fino de la 16a jarcento kaj la mezo de la 19a jarcento, ses Marŝaloj de Francio ricevis la pli elstaran rangon de Marŝala Generalo de Francio: nome Charles de Gontaut, duko de Biron, François de Bonne, duko de Lesdiguières, Turenne, Villars, Saksio, kaj Soult.