Kruda masonaĵo

Kruda masonaĵo, skeleto de konstruaĵo aŭ kruda konstruaĵo estas termino el konstrufako. Ĝi estas konstruaĵo, kies ekstera konturo inklude de la tegmentkonstrukto estas finkonstruita. Mankas ankoraŭ la fenestroj, la fasadokovraĵo kaj la interna elkonstruo. Krom kelkaj esceptoj la celkonforma utiligado de kruda masonaĵo ne eblas. En kelkaj landoj estas tradicio, ke la laboristoj, arĥitekto kaj la konstruiganto kune festas feston de la konstrufino.

Post la fino de la konstruo de la konstruskeleto ĝi estas kontrolita de statikisto. Tiu fakulo devas pruvi, ĉu ne okazis gravaj eraroj, kiuj minacas la statikon de la konstruaĵo. Post tiu kontrolado okazas la interna elkonstruo de la konstruaĵo.