Dornach

La komunumo Dornach situas ĉe la bordo de la rivero Birs proksimume 10 kilometrojn sudoriente de Bazelo. Kun la najbaraj komunumoj Reinach en okcidento kaj Arlesheim en sudo Dornach praktike kunkreskis kaj formas integran parto de la aglomeraĵo de la urbo Bazelo.

La teritorio de la komunumo etendiĝas sur areo de 5,77 km², de kiuj 46,3% estas kovritaj de arbaro, 17,3% servas por agrikulturo kaj 35,5% por setlado. ^[1]

Dornach limas al Arlesheim (Kantono Bazelo Kampara), Gempen, Hochwald, Duggingen (Kantono Bazelo Kampara), Aesch (Kantono Bazelo Kampara) kaj Reinach (Kantono Bazelo Kampara).

Dornach situas ĉe la fervojlinio de Bazelo al Delemonto kaj estas servata de la regiona trajnlinio S3. Oriente de la komunumo pasas la ekspresvojo H18 kaj la kantona ĉefvojo n-ro 18 de Bazelo al Delemonto.

• areo: 575 ha, el kiuj 45% arbaro, 29% setlejoj, 25% agrikulturo kaj 1% neproduktiva surfaco.
• loĝantoj: 6221 (fine de 2005)
• fremdlandanoj: 23%.
• religio: 34% katolikoj, 22% reformitoj

• Kapucena monaĥejo, kiu estis dum pli ol 330 jaroj religia centro de la nordokcidenta Svislando.
• 22 metrojn longa memorigilo (reliefa muro) el 1949 por memorigi batalon de la ŝvaba milito en 1499.
• Kantona administracio
• Vilaĝcentro Dornachbrugg
• Malnova ponto Birs kun statuo de Nepomuk
• Hejmlandmuzeo Schwarzbubenland en la iama katolika preĝejo St. Mauritius
• Malnova pastrodomo (nuntempe urbodomo)
• Vilaĝocentro Oberdornach
• Kastelruino Dorneck
• Goetheanum

La unua dokumenta mencio de Dornach datiĝas el la jaro 1223 kiel Tornacho.

• Rudolf Steiner (1861-1925) : filozofo, mortis en Dornach
• Arthur Stoll (1887-1971) : kemiisto, mortis en Dornach

• Fotogalerio Dornach
•  
  Granda salo en Goetheanum
•  
  Arkivo de Rudolf Steiner
•  
  Eŭritmio-domo
•  
  Memorigilo de la ŝvaba milito
•  
  Hejmlandmuzeo en la iama preĝejo St. Mauritius
•  
  Dorsofasado de Goetheanum

• Goetheanum
• Teozofio
• Antropozofio
• Dornach-Arlesheim (stacidomo)
• Tramtransporto en Bazelo

• Oficiala ttt-ejo de Dornach
• Dornach-Online
• Dornach-Ligiloj Arkivigite je 2007-10-10 per la retarkivo Wayback Machine
• Dornach en la Historia Leksikono de Svislando