Provinco Artemisa

La Provinco Artemisa estas nova provinco de Kubo establita ekde la 1-a de januaro 2011, kiel dividado de la antaŭa provinco Havano el kiu naskiĝis la nunaj Artemisa kaj Mayabeque. La provinco Artemisa konsistas el la okcidenta duono (8 municipoj) de la iama Havano plus tri apudaj municipoj el Pinar del Río.

Provinco Artemisa
Provinco
provinco de Kubo [+]
Lando	Kubo
Supermara alteco	52 m [+]
Koordinatoj	23° N, 83° U (mapo)22.816666666667-82.766666666667Koordinatoj: 23° N, 83° U (mapo)
Ĉefurbo	Artemisa
- koordinatoj	23° N, 83° U (mapo)22.816666666667-82.766666666667Koordinatoj: 23° N, 83° U (mapo) [+]
Akvokolektejo	4 004,27 km² (400 427 ha) [+]
Areo	4 004,27 km² (400 427 ha) [+]
Loĝantaro	502 312 [+] (2010)
Denseco	125,44 loĝ./km² [+] [+]
Horzono	UTC-05:00 [+]
ISO 3166-2	CU-15
DEC
Provinco Artemisa
Vikimedia Komunejo:  Artemisa Province [+]
v • d • r

Laŭ la stato de 2010 en la provinco vivis 502 312 loĝantoj sur areo de 4 004,27 kvadrataj kilometroj, kio rezultigas loĝdenson de 125 loĝantoj/km².

La ĉefurbo estas Artemisa, kiu estis la plej granda municipo kaj plej loĝata de la iama provinco Havano (1976-2010). La ĉefaj urboj de la provinco (pli ol 20 000 loĝantoj) estas: Artemisa (44 174), San Antonio de los Baños (32 582) kaj San Cristóbal (26 953).

La unuaj setlejoj fonditaj en la nuna teritorio estis Alquízar (1616) kaj Guanajay (San Hilarión de Guanajay, 1650). En la 18-a jarcento estis fonditaj la urboj San Cristóbal (1743), Bauta (Hoyo Colorado, 1750), Mariel (1768), San Antonio de los Baños (San Antonio Abad, 1775; urbo en 1794), Güira de Melena (1779), Bahía Honda (1779). En la 19a jc. fondiĝis Candelaria (1809), Artemisa (1810) kaj Caimito (1827). La nuna provinca ĉefurbo estiĝis pro translokiĝo de havananoj damaĝitaj de incendio. La urba ekonomio rapide kreskis surbaze de la kafo, kaj poste kansukero kaj aliaj kultivaĵoj.