Arconciel

Arconciel situas en la Friburga Mezlando, proksimume 7 kilometrojn sudsudokcidente de la kantonĉefurbo Friburgo, ĉe la bordo de la rivero Sarino, kiu formas la okcidentan kaj sudan limon de la komunumo. La komunumo Arconciel konsistas el la urbeto Arconciel, kaj la setlejoj kaj kvartaloj Le Chenaillon, Les Creux kaj Les Fontanalles, kaj diversaj izolitaj bienoj.^[1]

La teritorio de la komunumo etendiĝas sur areo de 6,17 km², de kiuj 30,5% estas kovritaj de arbaro, 57,2% servas por agrikulturo kaj 8,4% por setlado. ^[2]

La komunumo Arconciel limas en nordo al Hauterive, en nordoriento al Marly, en oriento al Ependes, en sudoriento al Senèdes, en sudo al Treyvaux, en sudokcidento al Rossens kaj en okcidento al Corpataux-Magnedens.

La komunumo Arconciel situas flanke de la gravaj trafikvojoj kaj atingeblas pere de flankaj vojoj de ĝiaj najbaraj komunumoj. La plej proksima alveturejo al la svisa aŭtovojo A12 situas en distanco de proksimume 4 kilometroj apud Hauterive. Per buslinio de Friburgo al Treyvaux la komunumo estas konektita al la publika transportreto.

La unua dokumenta mencio de Arconciel datiĝas el la jaro 1082 kiel castrum Arconciacum. Dum mezepoko Aroconciel posedis urborajton kaj estis la centro de la signifa senjorujo Illens. Restaĵoj de la burgo ankoraŭ bone rekoneblas. En la jaro 1484 Arconciel estis integrita al la Malonva Kamparo de Friburgo sub la Novurba Flago. Dum la tempo de la Helveta Respubliko de 1798 ĝis 1803 Arconciel apartenis al la distrikto La Roche, poste ĝis 1748 al la distrikto Friburgo, kaj tiam ĝi surbaze de la nova kantona konstitucio estis integrita al la distrikto Sarino.^[3]

• Oficiala retejo de la komunumo Arconciel

•  
  Katolika preĝejo de Arconciel
•  
  Ruino de la frumezepoka urbo
•  
  Bieno La Souche