Absoluta magnitudo

Absoluta magnitudo de stelo aŭ alia kosma objekto estas senmezurunua valoro, kiu priskribas ĝian helecon (eligatan kiel luman energion je unuo de tempo) tiel kiel ĝi estas sendepende de loko de observanto.

Absoluta magnitudo estas difinita kiel videbla magnitudo de la objekto se la observanto estas je 10 parsekoj for de la objekto.

Dum kalkulado de la absoluta magnitudo oni, se ne estas skribita alie, subkomprenas energion de eligata lumo je ĉiuj ondolongoj sume, do tutecan videblan magnitudon de la objekto.

Absoluta magnitudo ${\displaystyle M}$, videbla magnitudo ${\displaystyle m}$, kaj distanco ${\displaystyle d}$ ĝis la objekto estas interligitaj per formulo

${\displaystyle M=m-5\lg {\frac {d}{d_{0}}}\ ,}$

aŭ la samo

${\displaystyle d=d_{0}10^{\frac {M-m}{5}}}$

kie ${\displaystyle d_{0}}$ = 10 parsekoj ≈ 32,616 lumjaroj .

Por steloj absolutaj magnitudoj estadas -10 ... +17. Absoluta magnitudo de Suno estas +4,7.

Ankaŭ por galaksio aŭ alia granda objekto absoluta magnitudo estas difinita, tamen en ĉi tiu okazo la sola varianto estas uzi la supre donitan formulon, ĉar observanto je 10 parsekoj de centro de la objekto estus ene de la objekto. Galaksio M87 havas absolutan magnitudon -22.