Ŝvico (komunumo)

Ŝvico situas je 516 metroj super la marnivelo inter la Lago de Laŭerco kaj la Kvarkantona Lago je la suda deklivo de la roka montmasivo Mythen (Mitoj). La komunumo Ŝvic konsistas el la komunumopartoj Ŝvico, Rickenbach, Ibach kaj Seewen. En sudokcidento de la komunumo situas la Lago de Laŭerco, en la sudo de la komunumo trafluas ĝian teritorion la rivero Muota, kiu en la najbara vilaĝo Brunnen alfluas al la Kvarkantona Lago.

La komunumo Ŝvico limas en nordo al Sattel, en nordnordoriento al Rothenthurm, en nordoriento al Alpthal, en oriento al Oberiberg, en sudoriento al Illgau, en sudsudoriento al Muotathal, en sudo al Morschach, en sudokcidento al Ingenbohl, en okcidento al Laŭerco, kaj en nordokcidento al Steinen.

La nomo Ŝvico nek devenas de la malnova alemana, nek de la latino. Oni do supozas, ke ĝi devenas de antaŭromia tempo, tamen la fonto de la vorto perdiĝas en la nebulo de la historio. Ŝvico fariĝis la nomo de la komunumo, distrikto kaj kantono kaj finfine eĉ de tuta Svislando (germane: Schweiz [ŝvajc] / alamane: Schwyz [ŝvic]).

La blazono de Ŝvico estas blanka kruceto en la dekstra supra angulo de ruĝa fono. En antaŭa tempo la flago de ŝvicanoj estis simple ruĝa, kio simbolis la sangon, kiun perdis la kamparanoj de Ŝvico en la batalo pri sia libereco. La blanka kruco venis sur la flagon, kiam la germana imperiestro akirinte la venkon en batalo danke al la helpo de ŝvica bataliono deprenis de ĉirkaŭ sia kolo sian ĉenon kun arĝenta kruco kaj ornamis per ĝi la flagon de la ŝvicaj legianoj.

• Schwyz (stacidomo)
• Tramtransporto en Ŝvico

• Oficiala retejo de la komunumo Ŝvic en germana lingvo

•  
  Ŝvico vidita de la monto Granda Mito
•  
  Grandbieno Mittleres Feldli kaj Mitoj