Adolf Bube
| Adolf Bube | ||
|---|---|---|
| ||
| Persona informo | ||
| Naskiĝo | 23-an de septembro 1802 en Gotha | |
| Morto | 17-an de oktobro 1873 (71-jaraĝa) en Gotha | |
| Lingvoj | germana vd | |
| Ŝtataneco | Germanio  vd
| |
| Alma mater | Friedrich-Schiller-Universitato Jena vd
| |
| Profesio | ||
| Okupo | arthistoriisto poeto arkivisto verkisto vd
| |
| Aktiva en | Coburg • Majenco vd | |
| vd | Fonto: Vikidatumoj | |
Adolf August BUBE (naskiĝinta la 23-an de septembro 1802 en Gotha, mortinta la 17-an de oktobro 1873 samloke) estis germana poeto kaj arkivisto.
Vivo
[redakti | redakti fonton]Estante filo de kolonelo li ĝuis privatan instruadon en Molsdorf apud Erfurto. En 1817 li frekventis la gimnazion Ernestinum (Gotha) antaŭ studo de filologio, literaturo kaj arĥeologio, inter 1821 kaj 1824 ĉe la Universitato de Jena. Kiel studento li estis ano de la studenta korporacio Jenaische Burschenschaft.
Post studo de filozofio kaj teologio samloke li iĝis arkiva konsilisto de la kuriozaĵkabineto de sur Kastelo Friedenstein.
Li verkis multajn legendojn kaj poeziaĵojn kaj skribis la vortojn de la fama kanto pri Jesusbrünnlein (Jesuo-puteto) kiu situas ĉe la piedo de la monto Großer Hörselberg.
Jesuo-puteto kaj Koch-puteto
[redakti | redakti fonton]Kelkajn centojn da metroj oriente de Jesuo-puteto troviĝas alia ekskursocelo, la puteto de Koch (germane: Kochs Brünnchen aŭ Kochsbrünnchen). Ambaŭ troviĝas ĉe la piedo de la monto Großer Hörselberg. Planite kiel ĉearboranda idiliecejo kun lageto kaj kabaneto ĝi nur mallonge funkciis pro la konstruo de la Regna aŭtoŝosea ero 79 ekde 1937.
Konstruigis ĝin Heinrich Koch, burĝo el Sättelstädt en 1932. La ŝtataj aŭtoritatoj aŭtoŝose-konstruemaj aĉetis la tuton ne longe post la konstruo lasante netuŝita almenaŭ la fontan parton en la plej strikta senco kun la kalkŝtonaĵoj ĉirkaŭaj. Komence de la 1990-a jaroj la fonto reaperis.[1] Ripozuma parkejo aŭtoŝosea troviĝis rekte malsupre de la fonto. La kabano Hörselberghaus estas (sed sur la monto ne ĉepiede) meze de ambaŭ putetoj.
Referencoj
[redakti | redakti fonton]- ↑ Hörselberg-Bote 9/1992, p. 22; kun foto ne nur de la puteto sed ankaŭ de la ĉaledo kaj la lageto sude de la fonta akvokrano.
Literaturo
[redakti | redakti fonton]- Art. „Bube, Adolf“ fare de August Beck. Ĉe: Allgemeine Deutsche Biographie, Band 3 (1876), p. 459–460 (tie ĉi interrete)
- Helge Dvorak: Biographisches Lexikon der Deutschen Burschenschaft. Band II: Künstler. Winter, Heidelberg 2018, ISBN 978-3-8253-6813-5, p. 99–100.