Sukoto

Sukot, Tendofesto aŭ la festo de laŭboj estas juda pilgrima festo. Ĝi festiĝas dum aŭtuno kaj komenciĝas la 15an de tiŝrej laŭ la Juda kalendaro. En la Tria Libro de Moseo (Levidoj), ĉapitro 23, de la Biblio ĝi detale priskribiĝas.

Fakte la hebrea vorto "sukot", laŭboj, estas pluralo de la vorto "suka", laŭbo.

Sukot estas la plej grava festo de ĝojo de la juda jaro. La nomo devenas de la sekva kutimo: memore al la biblia longa migrado tra la dezerto inter Egiptio kaj Israelo, dum kiuj la judaj serĉantoj de la "Promesita Lando" Israelo devis tranokti en tendoj aŭ provizoraj kabanetoj el branĉoj kaj ŝtofoj, ankoraŭ nuntempe la religiemaj judoj ĉie en la mondo aŭtune konstruas laŭbon el branĉoj, folioj kaj ŝtofopecoj - en la ĝardeno, korto aŭ la balkono de la domo. En tiu provizora laŭbo dum la festa semajno oni manĝas, festas kaj legas judajn tekstojn. Se la klimato ne tro malvarmas, ankaŭ eblas tranokti en la laŭbo.

La dumtempa vivado en tiom provizora kabano memorigu pri tio, ke ne eblas tre fidi siajn materiajn havaĵojn, ĉar baldaŭ eblas perdi tion kaj eble troviĝi ie survoje al ne tre konata nova vivocelo. Al la religia kredo tamen eblas fidi, ĝi vivas en la homoj mem kaj ne estas forprenebla.

Al la festaj diservoj en la sinagogo la homoj portas plantajn bukedojn el kvar difinitaj plantoj, kiujn ili svingas dum la ceremonio kiel signo de ĝojo.

Je la lasta tago de la festa semajno okazas la "festo de ĝojo pri la torao" (Simĥat Tora).

v • d • r Judaj festoj Bibliaj festoj Ŝabato Roŝ ĥodeŝ Roŝ Haŝana Jom Kipur Sukoto kaj Hoŝana raba Ŝmini aceret kaj Simĥat Tora Pesaĥo Kalkulado de omero Ŝavu'ot Postekzilaj festoj Ĥanuko Tu bi-ŝvat Purimo Lag ba-omer 15-a de av Modernaj festoj Jom ha-Ŝo'a Jom ha-Zikaron Jom ha-Acma'ut Jom Jeruŝalajim Fastaj tagoj Fasto de Gedalj Fasto de Ester Fasto de la 10-a de teveto Tiŝ'a be-av Fasto de la 17-a de tamuzo Fasto de unuenaskitoj Almanako de judaj festoj 2000-2050