Limeso (fortikaĵo)

Limeso
Areo	527 m²
Lando	Bizanca imperio Okcident-Romia Imperio Roma regno vd
Situo
Geografia situo	49° 6′ 9″ N, 10° 34′ 42″ O (mapo)49.102368810.5783664Koordinatoj: 49° 6′ 9″ N, 10° 34′ 42″ O (mapo)
DEC Situo de Limeso
Limeso
Parto de	borders of the Roman Empire (en) vd
Partoj Partoj Muro de Antonino, Muro de Hadriano, Supraĝermana-raeta limeso, Limes Arabicus (en) , Limes Tripolitanus (en) , Limes Moesicus (en) , Limes Saxoniae (en) kaj Limes Dacicus (en) vd
Monda heredaĵo
Limeso de la romiaj provincoj Britannia, Germania Superior kaj Raetia (Muro de Hadriano kaj Ĝermania Limeso)
Landoj	Britio  Germanio
Tipo	Kultura Heredaĵo
Kriterioj	-
Fonto	430
Regiono**	Eŭropo
Registra historio
Registrado	1987 (Muro de Hadriano), 2005 (aldono de la Ĝermania Limeso)  (n.k. sesio)
* Traduko de la nomo en la listo de la monda heredaĵo. ** Regiono laŭ Unesko.
v • d • r

Limeso estas fortikita limo, kiu dum la romia epoko defendis la Romian Imperion kontraŭ norde loĝantaj triboj. Ĝi etendiĝas en Britio en la norda parto de la nuna Anglio (Muro de Hadriano) kaj en Ĝermanio oriente de la rivero Rejno kaj norde de Danubo (Ĝermania Limeso). Grandaj partoj de ĝi konserviĝis kaj konsistigas arkeologian monumenton. Aliaj partoj estis ekzemplocele rekonstruitaj.

La romiaj provincoj, kiujn protektis la Ĝermania Limeso, estis Germania Superior (Supra Ĝermanio) kaj Raetia. Kie ĝi renkontas la limon de la du provincoj, proksime de nuna urbo Lorch, ĝi abrupte ŝanĝas sian direkton (irante unuflanke al okcidento, aliflanke al sudo). Ĝia situo en tiu regiono ne estas tute klara. Tiu supraĝermania-retia limeso longas 548 kilometrojn.

La Ĝermanian Limeson gardis ĉ. 900 gardoturoj kaj 120 fortikigitaj armeaj posteno (kasteletoj, latine castellum). Ĉe bona vetero oni vidis de ĉiu turo la du najbarajn kaj do povis sendi lumajn, fumajn, kornajn aŭ aliajn signalojn, precipe por disvastigi alarmon pro atakoj.

En la jaroj 259/260 alemanoj atakis la romiajn provincojn en Ĝermanio kaj konkeris la muron, kiu poste ne plu estis uzata. Post kelkaj jarcentoj eĉ homoj proksime loĝantaj ne memoris la iaman celon de la konstruaĵo.

Ekde la jaro 1987 la Muro de Hadriano estas monda kulturheredaĵo. La 29-a kunveno de la mondheredaĵa komitato de UNESKO, kiu okazis de la 10-a al la 17-a de julio 2005, je la 15-a de julio aldonis al tio ankaŭ la Ĝermanian Limeson, kreante transnacian mondan kulturheredaĵon.

• paĝoj pri la limeso en Nederlando Arkivigite je 2014-07-10 per la retarkivo Wayback Machine
• paĝoj pri la limeso en Germanio Arkivigite je 2015-10-25 per la retarkivo Wayback Machine
• la germania limesa komisiono
• pliaj ligiloj pri la temo