Distriktoj de Israelo

Ekzistas ses (ĉefaj) distriktoj de Israelo, hebree nomataj מחוזות ("meĥozot", plurale; singulare maĥoz) kaj 15 subdistriktoj, nomataj נפות ("nafot", plurale; singulare nafa). Ĉiu subdistrikto siavide dividiĝas je pluraj "naturaj regionoj", da kiuj ekzistas sume 50.

La distrikto Judio kaj Samario (vidu sube), en Esperanto internacie kutime nomata Cisjordanio, havas apartan statuson, ĉar ĝi ne estis teorie aneksita de la israela ŝtato (kvankam praktike la israela ŝtato regas la teritorion).

• Nomo de la distrikto: Jerusalemo (hebree מחוז ירושלים, Maĥoz Jeruŝalajim).
• distrikta ĉefurbo: Jerusalemo
• subdistriktoj: neniuj subdistriktoj

• Nomo de la distrikto: Norda distrikto (hebree מחוז הצפון, Maĥoz haCafon).
• distrikta ĉefurbo: Nazareto
• subdistriktoj:
  • Cefat resp. Safed
  • Kineret
  • Jizre'el
  • Akko
  • Golano; tiu el kvar naturaj regionoj konsistanta subdistrikto estis aneksita de la israela ŝtato, sed la Unuiĝintaj Nacioj kaj aliaj internaciaj organizaĵoj ne agnoskas ĝin parto de la ŝtata teritorio de Israelo.

• Nomo de la distrikto: Ĥajfo (hebree מחוז חיפה, Maĥoz Ĥajfa).
• distrikta ĉefurbo: Ĥajfo
• subdistriktoj:
  • Ĥajfo
  • Ĥadera

• Nomo de la distrikto: Centra distrikto (hebree מחוז המרכז, Maĥoz haMerkaz).
• distrikta ĉefurbo: Ramlo
• subdistriktoj:
  • haŜaron
  • Petaĥ Tikva
  • Ramlo
  • Reĥovot

• Nomo de la distrikto: Tel-Avivo (hebree מחוז תל אביב, Maĥoz Tel-Aviv).
• distrikta ĉefurbo: Tel-Avivo-Jafo
• subdistriktoj: neniuj subdistriktoj

• Nomo de la distrikto: Suda distrikto (hebree מחוז הדרום, Maĥoz haDarom).
• distrikta ĉefurbo: Be'er Ŝeba
• subdistriktoj:
  • Aŝkelon
  • Be'er Ŝeba

distrikto Judio kaj Samario (Maĥoz Jehuda veŜomron).

Plej granda nur-hebrea setlejo: Ma'ale Adumim (plej grandaj urboj sume Ramallah kaj Hebron)

 * La distrikto Judio kaj Samario (en Esperanto internacie kutime nomata Cisjordanio) havas apartan statuson, ĉar ĝi nek estas oficiale aneksita de la israela ŝtato nek la Unuiĝintaj Nacioj agnoskas ĝin parto de la ŝtata teritorio de Israelo.

• Listo de urboj de Israelo

• politika mapo de Israelo inkluzive de la distriktoj kaj iliaj ĉefurboj, en la retejo mapsofworld.com
• detalaj statistikaj informoj pri ĉiuj distriktoj, subdistriktoj kaj naturaj regionoj en israela registara retejo (angle) Arkivigite je 2008-02-10 per la retarkivo Wayback Machine

Distriktoj de Israelo

Norda distrikto | Ĥajfo | Centra distrikto | Tel-Avivo | Jerusalemo | Suda distrikto