Rozkolora Domo

Rozkolora Domo
Casa Rosada
konstruaĵo por publika administrado
Bazaj datoj
Konstrustilo	novklasika arkitekturo • italeca arkitekturo • Novromaniko • Novklasikismo vd
Arkitekto	Carlos Kihlberg • Enrique Aberg • Francesco Tamburini vd
Estiĝo	1898
Malfermo	1898
Lando	Argentino vd
Situo	Bonaero
Adreso	Balcarce 50
Situanta sur	Calle Balcarce, Buenos Aires
Situo
Geografia situo	34° 36′ 29″ S, 58° 22′ 13″ U (mapo)-34.608055555556-58.370277777778Koordinatoj: 34° 36′ 29″ S, 58° 22′ 13″ U (mapo)
DEC Situo de Rozkolora Domo
Rozkolora Domo
Posedata de	Registaro de Respubliko Argentino vd
Partoj Partoj Salón Blanco (en) vd
Retejo	https://www.casarosada.gob.ar/la-casa-rosada/
v • d • r

La Rozkolora Domo, hispane Casa Rosada estas la sidejo de la plenuma povo de la Respubliko Argentina. Ene de ĝi troviĝas la oficejo de la Prezidento de Argentino.

Tiu konstruaĵo situas ĉe la strato Balcarce 50, en Bonaero, antaŭ la historia Placo Majo. Ties karaktera koloro estas roza kaj ĝi estas konsiderata unu el la plej emblemaj konstruaĵoj de Bonaero. Ĝi gastigas la Muzeon de la Casa de Gobierno (registarejo), kun objektoj rilataj al la prezidintoj de la lando. En 1942 ĝi estis deklarita Historia Nacia Monumento.

Dum supozata klopodo murdi Perón por posta puĉo, la 16-an de junio de 1955 tagmeze, ĉirkaŭ tridek aviadiloj de la ŝiparmeo kaj de la arearmeo bombardadis kaj mitralis la loĝantaron de Bonaero ĉe la Placo Majo, la Rozkolora Domo kaj aliaj lokoj.^[1] Tiu atako okazigis ĉirkaŭ 355 mortojn kaj 600 vunditojn kaj antaŭanoncis la postan aperon de la ŝtata terorismo, kiu poste absolute malatentos la popolan suferon por la politikaj celoj. Perón ne estis atingita, ĉar li forestis el la diversaj atakitaj lokoj.

En la kvina kanto de la verko de Abel Montagut nome Poemo de Utnoa okazas asembleo de la Gobanoj (eksterteranoj). Tie oni akceptas, ke oni plikuraĝigu la malfortigitan Utnoan (nome la ĉefrolulo Noa) pere de la drogo anoŭdo. Inna malsupreniras kaj liveras ĝin al Noa. Je ties efiko aperas antaŭ li la poeto Valmikio kaj poste la japana pentristo Hokusajo kiuj montras al li laŭvice la enormajn atingojn de la estonta homaro, se li sukcesas savi ĝin, nome, unue en Azio, kaj poste venas la vico de Fidiaso, kaj poste Maria Sklodovska, kiuj montras al Utnoa la mirindaĵojn de Eŭropo. La venontaj ĉiĉeronoj estas ankaŭ laŭvice unue Akenatono kaj poste Sunĝata Kejta kiuj omaĝas la historian gravon de Afriko. En Ameriko estas unue Nezaŭhtezoma kaj poste Neil Armstrong la ĉiĉerono kiu vidigas la vidindaĵojn de Bonaero:

	„  Nun la duopo drivas suden al Bŭenos-Ajreso, kosmopolita centro kaj multerasa krisolo. Tie Utnoa miras pri la Kongresa Sidejo, bulvarde ĉirkaŭata, kiu verdvolbas emajle. Jen la Majplaco larĝa, tie la Domo Rozeca kaj rande la kvartalo bunta, nomata la Boka.[2] ”