Species (taxinomia)

Classificatio animalium quadrupedum, e libro Linnaei qui Systema Naturae inscribitur (ed. sexta, 1748) deprompta.

Species (-ei, f.) in biologia est categoria taxinomica quae tamquam principium investigationis totius mundi vivi saepe habetur.

Speciei definitionem enuntiare difficile est. Etenim categoria taxinomica speciei variis "entibus primariis" diversitatis mundi vivi respondet.^[1] Iuxta saepe citatam definitionem ab Ernesto Mayr datam, duo animalia quae ad eandem speciem pertinent, cum pullos habeant, hi vicissim pullos parĕre possunt.^[2] Definitio haec tamen ad organismos reproductionis sexualis facultate carentium minime adhiberi potest; item, in palaeontologia definitio haec inutilis vanaque est. Ideoque nomina accuratiora diversarum categoriarum taxinomicarum, etiamsi omnes ad unum eumdemque gradum speciei pertineant, nonnumquam adhibentur, ut linnaeones, iordanones, species collectivae, microspecies, et similia.

Speciei qualiscumque nomen in scientia biologica est binomen Latinum, e nominibus generis specieique constans, de more litteris obliquis scribendum. Quae consuetudo, a Carolo Linnaeo introducta, usque ad presentem diem ab omnibus servatur. Nomina specierum aliorumque taxorum leges certas sequi debent, in codicibus nomenclaturae (zoologico, botanico aliisque) perscriptas.^[3] Exempli gratia speciei nostrae nomen est Homo sapiens.

Species ad genera pertinent, genera ad familias, et ita deinceps iuxta ordinem categoriarum taxinomicarum, ut puta Felis silvestris una est e speciebus generis Felis, ad quod etiam pertinent aliae species, ut Felis manul. Felis ad familiam Felidarum pertinet, Felidae ad ordinem Carnivororum, Carnivora ad classem Mammalium, Mammalia ad phylum Chordatorum, Chordata ad regnum animale.

Nexus interni

Notae

↑ Dubois, Alanus (2007) Species and “strange species” in zoology: Do we need a “unified concept of species”? Comptes Rendus Palevol 10 (2/3): 77-94.
↑ Mayr, Ernestus (1963) Animal species and evolution. Cantabrigiae Massachusettensium: Harvard University Press.
↑ Kuntze, Otto (1893) Codex nomenclaturae botanicae emendatus. In: Kuntze, O. Revisio generum plantarum:vascularium omnium atque cellularium multarum secundum leges nomenclaturae internationales cum enumeratione plantarum exoticarum in itinere mundi collectarum, vol. 3. Lipsiae–Londini–Mediolani–Neo-Eboraci–Parisiis.

Nexus externi

International Code of Nomenclature for algae, fungi, and plants (2018)
International Code of Zoological Nomenclature (1999/2012)
"Species" apud (Stanford Encyclopedia of Philosophy)
"Barcoding of species."
"European Species Names in Linnaean, Czech, English, German and French,"
Catalogus Vitae,
Species.
Speciatio,

Commentarii interretiales

Gradus taxinomici Linnaeani: series paginarum brevium

	Linnaeus
Vita • Regio • Regnum • Phylum vel Divisio • Classis • Ordo • Familia • Tribus • Genus • Sectio • Series • Species • Varietas • Forma Systema taxinomicum Linnaeanum • Categoria:Taxa gradu digesta

[1] Dubois, Alanus (2007) Species and “strange species” in zoology: Do we need a “unified concept of species”? Comptes Rendus Palevol 10 (2/3): 77-94.

[2] Mayr, Ernestus (1963) Animal species and evolution. Cantabrigiae Massachusettensium: Harvard University Press.

[3] Kuntze, Otto (1893) Codex nomenclaturae botanicae emendatus. In: Kuntze, O. Revisio generum plantarum:vascularium omnium atque cellularium multarum secundum leges nomenclaturae internationales cum enumeratione plantarum exoticarum in itinere mundi collectarum, vol. 3. Lipsiae–Londini–Mediolani–Neo-Eboraci–Parisiis.

[1]

[2]

[3]