Nothing Special   »   [go: up one dir, main page]
Saltar ao contido

Free Software Foundation

Na Galipedia, a Wikipedia en galego.
Free Software Foundation
Logo
AcrónimoFSF
Tipoentidade filantrópica, organización sen ánimo de lucro e organización non gobernamental
Campo de traballosoftware libre
Data de fundación4 de outubro de 1985
Fundador(es)Richard Stallman
Presidente/a
Geoffrey Knauth (en) Traducir (2020-) Editar o valor en Wikidata
wikidata.org/wiki/Q48413?uselang=gl#P488]]
Director/aWilliam John Sullivan e Zoë Kooyman
Nº de membros5.000 (2019) Editar o valor en Wikidata
Organización relacionadaProxecto GNU
PremiosPrix Ars Electronica
SedeBoston e Cambridge
Enderezo51 Franklin Street, Fifth Floor Boston, MA, 31 Milk St # 960789, Boston, MA 02196, USA e 59 Temple Place - Suite 330, Boston, MA 02111-1307, USA
PaísEstados Unidos de América
Na rede
https://fsf.org/
Twitter: fsf Editar o valor en Wikidata
[ editar datos en Wikidata ]

A Free Software Foundation (FSF) -Fundación polo Software Libre- é unha organización sen ánimo de lucro fundada por Richard Stallman para apoiar o movemento polo software libre (free significa neste caso libre e non necesariamente gratis, a outra acepción que a palabra ten en inglés) e, en particular o proxecto GNU.

Desde a súa fundación até mediados da década de 1990, os fondos da FSF destináronse principalmente a pagar a programadores para que escribisen software libre. A partir de mediados ou finais da década de 1990 existen xa moitas compañías e autores individuais que escriben software libre, de xeito que os empregados e voluntarios da FSF traballan fundamentalmente en asuntos legais e estruturais en beneficio da comunidade do software libre.

Actividade actual da FSF

[editar | editar a fonte]
Facer cumprir a GPL
A FSF dispón dos recursos e a vontade para facer cumprir a GPL e outras licenzas GNU, se ben só para o software do cal posúe os dereitos; o software publicado segundo a GPL pero propiedade doutros debe ser defendido polos seus propietarios dado que a FSF non conta con sanción oficial para facer cumprir a GPL por eles. A FSF trata unhas 50 violacións da GPL cada ano e tenta que a outra parte se aveña a cumprir sen necesidade de recorrer aos xulgados. Até xaneiro de 2004 ninguén ten levado a FSF a xuízo sobre unha disputa por copyright.
Licenzas GNU
A licenza GNU GPL é a máis usada nos proxectos de Software Libre. A versión actual (versión 2) foi emitida en 1991, mais a FSF está a traballar na versión 3. A FSF ten publicadas tamén a Licenza Pública Xeral Menor de GNU (LGPL) e a Licenza de Documentación Libre GNU (GFDL).
Gardián de copyrights
A FSF exerce os dereitos de todo o software de GNU e dalgún software libre non GNU. Require que toda persoa que contribúa nos paquetes de GNU ceda os seus dereitos de maneira que o software poida ser defendido diante dun tribunal se se produce unha disputa e para que, de ser preciso modificar a licenza dunha obra, se poida facer sen ter que contactar con todas as persoas que nalgunha ocasión contribuíron co seu traballo a desenvolver ese software.
O Directorio do Software Libre
É unha listaxe de paquetes de software que se ten comprobado que son software libre. A entrada de cada paquete contén 47 informacións tales como a páxina web do proxecto, programadores, linguaxe de programación etc. Os obxectivos son fornecer un motor de procura para o software libre e unha referencia para que os usuarios poidan comprobar se un paquete foi identificado como software libre. A FSF ten recibido unha pequena cantidade de fondos da UNESCO para este proxecto. Espérase que o directorio poida ser traducido a moitos idiomas no futuro.
Mantemento da definición de Software Libre
A FSF mantén moitos dos documentos que definen o movemento polo Software Libre.
Formación legal
A FSF organiza seminarios relacionados con aspectos legais da utilizacion da GPL e ofrece un servizo de consultoría para avogados.
Aloxamento de Proxectos
A FSF fornece aloxamento para proxectos a través do seu sitio web (Savannah).
Premio á Promoción do Software Libre
Un premio anual.

Estrutura

[editar | editar a fonte]

Membros

[editar | editar a fonte]

O 25 de novembro de 2002 a FSF ofreceu o programa de Membros Asociados para individuos. En abril de 2004 tiña máis de 2.044 membros asociados. O 5 de marzo de 2003 lanzou un programa de Padroado Empresarial para organizacións comerciais. En abril de 2004 contaba con 45 padroeiros empresariais.

Organización

[editar | editar a fonte]

Xunta Directiva

[editar | editar a fonte]

Outros cargos

[editar | editar a fonte]
  • Richard Stallman: Presidente
  • Peter T. Brown: Director Xeral (foi Director de Validacións e Control até febreiro de 2005)
  • Eben Moglen: Conselleiro Xeral
  • Dan Ravicher: Conselleiro
  • David "Novalis" Turner: Enxeñeiro de Validacións da GPL
  • Janet Casey, Director do Directorio de Software Libre
  • John Sullivan, Administrador de Programas
  • Ted Teah, Administrador de Tarefas
  • Jim Blair, Administrador de Sistemas
  • Justin Baugh, Administrador de Sistemas

Empregados anteriores

[editar | editar a fonte]

Habitualmente traballan dez persoas na sede central de Boston, Massachusetts. A oficina está coordenada por Bradley Kuhn.

Organizacións irmás

[editar | editar a fonte]

En 2001 fundouse en Alemaña a Free Software Foundation Europe (Fundación para o Software Libre - Europa) coa finalidade de actuar como "concentrador" das organizacións polo Software Libre de Europa. En 2003 fundouse en Kerala a Free Software Foundation India (Fundación para o Software Libre - India). O 19 de abril de 2001 fundouse en Francia a Free Software Foundation France (Fundación para o Software Libre - Francia). No vixésimo aniversario do Proxecto GNU (5 de xaneiro de 2004), fundouse a Irish Free Software Organisation (Organización polo Software Libre - Irlanda) para promocionar o software libre en Irlanda.

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Free_Software_Foundation&oldid=6410425»